أمير الطيب ( أهداء للشيخ زبن بن جديع )

قصيدة : أمير الطيب
إهداء
للشيخ / زبن بن عبدالله بن جديع الحنيني الحربي
أمير الحنانية وأمير مركز الدليمية
القصيدة صوتية بالمرفقات:-

يابــو عبدالله ســلام والله يسعد لي مسائك=من ديـــار الجوف أمسي لك غلا بأجمل تحية
جــاك قــافي بالـتحايا بعض بعضه من وفائك=قــاف تـقــدير ومحبـة من خــوي قدّر خــويه
ياعـــريب الجد قافي زان شــعره في نـــقائك=وزان شـعري في سـجايا نـادّره نــدّره قـــويه
يازبن جــودك غــمرنا جــود بسّم في عطائك=واشــهد إن الابـتسامة منك أعـظـم من هــدية
يازبن رمـــز الـمـعالي ،، وفــيك يتفرد بهائك=الدليمية وأهلها ،، وحـــرب تــشهد لك سـويه
أيه أمير الطيب وأنت الطيب يشهد به سخائك=أيه أمير،، وشيخ فارس،،دام عزه ودام ضيه
شيخ عز،، وشيخ مجد،،وشيخ من ألفك ليائك=شيخ جود الجود ،،وأثر الجـود يعتبرك سميه
لك تميز ،، عبقرية ،، لك سـموك في ذكـائك=لك شموخك لك طموح(ن) فـاق كل المنطقية
لك مزايا في حديثك أو في صمتك أو حيائك=ولك رجاحة في قـــرارك ماتهزك عنصرية
حبك لزارع أنشهد يجرى في مجرى دمائك=وحبنا لك يالحنيني حــــب أنشهد مافي زيه
حبنا نــجــهر نـقـوله بالأمــــام ومن ورائك=حبنالك حـــب صادق ،،،والـمشـاعر داخليه
حنا يازغيبات دومــة خلفك ونحـــمل لوائك=نرخص الأرواح فـــدوه للرجــال الأجودية
حنا حـــرب الجــوف حنا لا لواء إلا لوائك=ولو زهـمّـته ابن زارع جـتلك الدومة حميه
قلت ابكتب فيك شـعري لو اقصر في ثنائك=معك أنا مقصر مقصر لـو تبي ارفع قضية
القضية جــود قلــبك ،،والحلاوة في مسائك=القضية ( يالحنيني) قــلت : أمسيك بتحية

أخوك
خالد بن علي راجي الزارع

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

صح لسانك
قصيده جزله
يستاهل الشيخ زبن عبدالله الحربي هذا الثناء
الله يعطيك العافيه

صح الله لسانك
ولاهنت
وسلم فكرك وبنانك
دمت برعاية الله وحفظة

اخوي

خالد الراجي

الله على الإبداع .. الغير مستغرب من شاعر مثلك

صح لسانك ... و يستاهل الشيخ / زبن بن عبد الله الحنيني الحربي

أشهد انه كفووووووو

و يستحق المدح

صح لسانك أبو نواف
قصيدة جزله من شاعر جزل
ويستاهل الشيخ / زبن بن عبدالله بن جديع الحنيني الحربي المديح

صح لسانك وبيض الله وجهك
ويستاهل الشيخ ابن جديع

	المشاركة الأصلية كتبت بواسطة ابومشعاب الحربي

	صح لسانك كلماتك غايه في الروعه أحييك على هذا البوح المتميز دمت ودام شعرك وبوحك

اخوي الغالي
أبو مشعاب الحربي
ياهلا ومرحبا فيك وألف شكر
لتواصلك الطيب
والروعة وجودك وتواجدك يابعدي
صح بدنك والله يسلمك
لك وافر التقدير
اخوك
خالد بن علي راجي الزارع

صح لسانك وعلا شانك ..

كلمات رووووووووعة ..

دمت ودام إبداعك

ماقول غير صح الله لسانك وبيض الله وجهك




قصيدة سنقرأها مرات ومرات .. فلله درك ..









ياسلااااااااااام .. ياسلاااااااااااام



كفو ..