قصيدة لصاحبه و صديقه الشاعر / حامد بن مسعود النافعي

هذه قصيدة الشاعر / مبروك بن مبارك العصلاني الحربي موجهة لصاحبه و صديقه الشاعر / حامد بن مسعود النافعي الحربي :

يا طير يـا اللـي كـل دارٍ تخيلـه=عندي رسالة ودها يا أشقر الريـش
رسالـةٍ مـنـي تـراهـا ثقيـلـه=لكن ما تصعب على آصل من الجيش
روّح و سلمّهـا خـيـار القبيـلـه=واحرص عليها عن عيال الدراويش
منصاك حامد من رجـال الجميلـه=زبونها يوم الهـوى فيـه تشويـش
والعلـم بيّـن مـا يبالـه دليـلـه=نقّزتني سوق الفناجيل لجـل ايـش
وانـا ولـد جـدك و ليّـه فصيلـه=ماني من اللي ينبش الجرح تنبيـش
وانته من اللي ولّعـوا فـي الفتيلـه=لا خيّلت و ليـن فيهـا رشاريـش
أخذت فـي أهـل العلـوم الهبيلـه=بعض الشباب منكسيـن الطرابيـش
أيامنـا هـذي عريضـة طويـلـه=وصبرت وان الصبر قد ايش قد ايش
وان كان عندك حل بأهـون وسيلـه=وان كان ما حليتها رأسـك يعيـش
والرزق ما هـو فاليديـن البخيلـه=ولاقلتها والله لجـل زقمـة العيـش
يا مرحبا بالحر من قلب و لسـان=ترحيبـةٍ منهـا القـذال أخضرنّـا
يا طير حر و يا مرفّـع بجنحـان=هات العلوم انتـه مكلّـف تصلنـا
جاوب و قال الطير من باب الأقنان=مبروك بن مبارك عليكـم رسلنـا
يا مرحبا من باب صنعاء لعمّـان=ومن مطلع البدرين ليـن اغربنـا
و ياكاسب الطولات من كل ميـدان=هيهـات تنقـزك الفناجيـل منـا
انته ولد جدي على رأس و أمتـان=نبني كما يبنـون أهلكـم و اهلنـا
ولاّ المخيلـه سيـل قافـيـه ودّان=وحنّا ترى عن سابقك مـا غفلنـا
والحر ما ابيعه بصفقـات الأثمـان=وكم من عليه الموج صوّر و سنّـا
وان كان يا مبروك ابو ناب نقصان=المـد نـرده و العطـا شاتهـنّـا
وايامنا ضمّر هزيـلات و سمـان=وكـلاً تخيّـر حقتـه و اطمـأنّـا
والله ما ندري لين شفنا بالأعيـان=وقدّام طيرك مثل مـا قلـت قلنـا

	الله يـعـطـيـك الـعـافيـــــــــــة على الاخـــتيار المــوفــق بيض الله وجهك

صح لسان الشاعرين
بيض الله وجهك لنقلك لها
لاهنت بارك الله فيك وفي جهودك الجميله

صح لسان الشاعرين
بيض الله وجهك على النقل

صح لسان الشاعر الكبير/ مبرووووووووك أبو ناب

و مشكور على النقل

,
,
,

قصيدة رائعه ونقل اروع

صح لسان قايلها وناقلها

يعطيك العافيه

ياسلام ياسلام

بدع ورد للشعار كبار

ومشكور اخي بن فرهود الحربي

وبيض الله وجيههم جميع

تقبل تحياتي

بيض الله وجهك

مشكور اخي بن فرهود الحربي

وبيض الله وجيههم جميعا