مساجله مع الأمير/ خالد بن سعود الكبير

نشرنا في الأسبوع الماضي قصيدة جميلة كتبها الشاعر علي هليل الحربي مشيداً بشاعرية سمو الأمير خالد بن سعود الكبير.. وقد وجدت صدى طيباً لدى قراء (الجزيرة) والمهتمين بالشعر، وبعد اطلاع سموه عليها وافانا بالرد التالي:

شوقتني يامير خالد للاشعار=زودٍ على الأخلاق شعرك حقيقي
لايابعد من لوثوا بث الاقمار=لين احتملنا فوق ما لانطيقي
ولاانت نورك نور وبوالدك بار=كنك لوجدان الوفى اخوٍ شقيقي
وشعرٍ بدون جرورح واحساس وايثار=لو قيل ما ناسب طريقه طريقي
كن العنى مع خافقي طالبٍ ثار=جرعني العلقم بكاسٍ دهيقي
شربت نقع الحب من كاس الامرار=وازريت من سكرات حبه لافيقي
المهره اللي عجزت قحص الامهار=في رونقة غصن العفاف الوريقي
لو بس لدت للبشر بعض الانظار=ما استكثروا همي وحزني وضيقي
ليت الأمير اللي عشق شبة النار=من فيض جوده في ضميري يويقي
ويواسي احزاني بعذبات الافكار=وارتاح من شرهة عدو وصديقي

أنا احمد الله واشكره سر وجهار =اللي على خلقه حليم وشفيقي
رازق جميع الخلق مسلم وكفّار =بابه وسيع وباب غيره يضيقي
الشعر وِهْبَه والوهايب لها اسرار =عند الحكيم.. ومال فضله عويقي
لاهوب لا ظالم ولا هوب محتار =ما يشتهيه يصير.. هرجٍ وثيقي
حنّا عبيده نطلبه ليل واسحار =يضفي علينا نعمته يا رفيقي
عزي لمن هو دالهٍ عنه ما ذار =من ما قفٍ فيه الخلايق رهيقي
كلٍ وقلبه سَدْ حلقه والابصار =تشخص.. ومن فيض المعارق غريقي
هذا وعندي يا علي لجلك اخبار =من دون ما أفتش ضميرك واويقي
العشق موت وذاكرينه بالاخطار =راح الدجيما فوتٍ هو والحريقي
والحب له لَذَّه ولو كان جَبَّار =مَرَّه نعيمٍ ومَرْ سمٍ عتيقي
واليوم خلك يابن الاجواد صبَّار =كم صايد صادوه قبلك وسيقي
والريم من طبعه من الناس ذيَّار =لاشك قلبه لو تقسَّى رقيقي
هذا وانا لك يا علي سيف بَتَّار =وان كانها بالوجه وجهي طليقي

خالد بن سعود الكبير

المصدر

صح لسان الامير ويستاهل ابن هليل الحربي


بيض الله وجهك يابوروان

الله يعطيك العافية على النقل
وصح لسانه مليون

الله يـعـطـيـك الـعـافيـــــــــــة على القصيده وصح لسانه مليون
بيض الله وجهك

صح لسان الامير خالد بن سعود الكبير
وصح لسان الشاعر علي هليل

صح لسان الأميرخالد
وماقصرت

أبو روان النويمي بيض الله وجهك على النقل المميز
والشاعر علي بن هليل الحربي
شاعر الابداع وصاحب الكلمه الرانانه الذي استطاع ان يعجب امير الشعر
الشاعر الكبير سمو الامير خالد بن سعود الكبير صاحب الكف الابيض الندي
الشاعر الامير خالد بن سعود الكبير صاحب فضل على الشعر وعلى الشعب السعودي كا كل
وبلختام اشكر الشاعر على بن هليل على ابداء اعجابه واشكر سمو الامير خالد على التواضع الغير مستغر من سمو اطال الله بعمره

مشكور يا أبو روان و صح لسان سمو الامير : خالد بنس سعود
و ودنا بقصيدة : علي بن هليل لو سمحتم

يعطيكم العافيه على المرور...
بارك الله فيكم ...
تحياتي

صح لسان الامير ويستاهل ابن هليل الحربي


بيض الله وجهك يابوروان