لاشفت مطلق وصياف السحيمي جميع

سلطان الهاجري =
لاشفت مطلق وصياف السحيمي جميع=اوصي اهل البلد تنقل مشاعيبها
اللي يعرف الدير في طرقته مايضيع=ابلاد يصبح بها وابلاد يمسي بها
صياف الحربي =
انته تحب الشتا والا تحب الربيع=حنا نعز الدير ونعز اصحابها
عزالله انا نسوي فالهواجر صنيع=نصبر لبعد السفر ونروح ونجيبها
سلطان الهاجري=
اللي عطوك الوداعه يحسبونك وديع=البح لو ينشدونك قلت مدريبها
ياصاحبِ تنطح الفزعه بصدرِ وسيع=احذر على الرجل لاتحفي عراقيبها
صياف الحربي=
لاتعترض للوداعه وانته مشيك سريع=العافيه مع طلوع الشمس ياطيبها
حنا نصارع سباع الليل في كل ريع=وانته مع ام الوليد ويدك في جيبها
سلطان الهاجري=
العافيه مالقاها كل قلب لكيع=اللي ليا ولعت يلحق مشاهيبها
الرابح اللي محله في المكان الرفيع=دورات الايام ماحدِ عارفِ غيبها
صياف الحربي=
ان ماشفع لك محمد مانت لاقي شفيع=بلاش تركز على البندق وترميبها
الظاهر انك لشيل الحمل ماتستطيع=واليا لقيت الخفيفه جيت ساريبها
سلطان الهاجري=
لا انقطع سلك الاذاعه وش يقول المذيع=اهل المكاتيب لا يقرا مكاتيبها
ماعاد فالبحر مايملا جراب الجويع=والغبه ليا انتهت ماتت دغاليبها
صياف الحربي=
الطيب الطيب اللي يشتري مايبيع=واللي قطع سلكها ماهو مغنيبها