سـلام ياهـل الـدار منَّا مثنَّى ×× ومردوف بالمقـدار والطيب يبراه

بسم الله الرحمن الرحيم
،
السلام عليكم ورحمة الله وبركاته
،
عاش الجميع على المحبة والصفاء واعتذر لعدم الردود بكثرة لظروف صعبة جداً
،
ولكن يشهد الله أن المحبة في القلب بلا حدود
،
وهذه مشاركة لتسجيل الحضور عسى تعجبكم
،

سـلام ياهـل الـدار منَّا مثنَّى=ومردوف بالمقـدار والطيب يبراه
أعـداد مـا هـل الحيـا وأرزمنَّا=فيه الرعود وسايق الخير في ماه
يضفي على أهل الـدار واللي تعنَّا=واللي حضر من كل نية ومجهاه
لأهـل البيـوت اللي رفيعـه تبنَّى=على الوفاء والعـز والقن والجاه
ياصقر ياللـي حسبت الشمس منَّا=لاشع نوره .. سَابَق النـور مبداه
جينـا على حسب الوعيـده وحنَّا=عند اللـوازم دونك السـاق مثناه
وإن جـات للمعنـى على كل فنَّا=صغنا اللحون وكل معنا في معناه
ولا ياعضيـد(ن) لا وقف ما توَّنا=وعنـد المـلازم لا لزمنـاه نلقاه
كان المنى يوم المنى وانتمنَّى=نروي ضمـانا بعـد وقت طويناه
وليا سمعنـا من لفى قـام غنَّا=وكل زامـر أطْـرب الحي بغناه
وروس المثـايل هيض(ن) وأقبلنَّا=وهاجت هجوس القلب وأظهرخفاياه
أظهر خفـايا ود في وقت كنَّا=في قلب واحد صافي الـود صفَّاه
غير أحمد اللي مـد من غيـر منَّه=في العمـر حتى داير الوقت شفناه
والخاتمه ياالله على الـوقت عَنَّا=ياواحد(ن) كل الخلايق في رجواه
وديـم الفـرح عقب الفرح وانتهنَّا=في مثـل هذا اليـوم وأيـام تقفاه
وإن كان منِّـي بـادي القول سنَّة=الـرد حِسْبَت واجبــي وأتحـراه