ويالصاحب اللي خوتك جابت صداع = مابيك .... انا مانيب ناقصك علـه

السلام عليكم ورحمة الله وبركاته
مساكم الله بالخير وتقبل الله صيامكم وقيامكم
وارجو ان تنال هذه المتواضعة على رضالكم

الله مـن دنيـا بهـا نـاسٍ انـواع = حكمة من اللي كون الكون كلـه
فرق عبـاده بالفعايـل والاطبـاع = ماهم سـوا كـلٍ بمذهـب وملـة
واكبر فروقٍ فرق في وسط الاضلاع = ولا الشكل كالشكل ومقاربٍ لـه
واليوم انا ضايـق وبديـارٍ وسـاع = من واحدٍ درب السنـع مـا يدلـه
كل ما فعل خدمة حسبها بالاصباع = ثم عدها ثم قام يطلـب جـزاً لـه
مثل الذي طايح وفي اسفل القـاع = من عقب ماهو بالجبـل طالـعٍ لـه
والمرجلة ماهيـب محتاجـه اقنـاع = المرجلة عنـد القـرم عـادةٍ لـه
ويالصاحب اللي خوتك جابت صداع = مابيك .... انا مانيب ناقصك علـه

وتحياتي الطيبة للجميع