الله رماني بين حارق وحراق=وقلب (ن) رقيق مجرب الود توه

الله رماني بين حارق وحراق=وقلب (ن) رقيق مجرب الود توه
مابين حر الشمس ياليت ينطاق=ومابين نور(ن) مصدر البدر ضوه
البدر نوره لاهوت شمس ماراق=وحر نور الشمس يا قو قوِّه
وقامت تلاطم به ملاهيب الاشواق=والغيث ماشرَّف على وقت نوه
وأمسيت حال اللي ورى الموج ينساق=لازف هوه يرتمي جوف هوه
وقمت أتيادا والبلاوي في الأعماق=نصْبَت عقال وصالي النار جوه
وأنا سنافي من طويلين الأعناق=غير البلا في اللي بلاني بخوه
الله يجازي من بلاني بالاسواق=والله يجازي كل مخلوق نوه
ماعاد أميز بين طارق وطراق=ضيَّعت حظي مع قليل المروه
كل ما لِمَح بارق يخايل لبراق=حط الوطى من خنصره لا علوِّه
قلت افترقنا ماورى الحق مدراق=وكل ما يزهاك لارحت سوه