ثورة أحساسي...

مساء الخير للجميع
أخواني الأعزاء على هذاء البحر الطويل النادر جادت قريحتي بهذه الابيات
المتواضعة,,أرجو ان تحوز على رضاكم واستحسانكم
لا اريد ان اطيل عليكم بسرد احداث القصة التي جعلتني اكتب
القصيدة,,فالقصيدة تعبر عن نفسها

انا براسي قصيد يزيد وايضا كل ماله يزيد=واحاول اخفف الثوره من احساسي واهدي بها
لكنّ مارد قصيدي مايرده شي راسه عنيد=ليا نوى يكتب ابيات القصيده ما يراويبها
استغفر الله أنا مسلم وعبد الله ضمن العبيد=مؤمن ونفسي في الأيمان والتوحيد ياطيبها
الشعر خلاني استعبط واحس انه بدم الوريد=يسري بفكري وحتى اوراق شعري نوب يسريبها
كن الورق للقلم يقول انا مشتاق هل من مزيد=سجل على صدري ابيات القصيده لجل اغنيبها
احيان ورد وزهر واحيان سيفٍ مثل سيف الوليد=يمشي معي مثل ما ابغى والدُرر من قاعه اجيبها
والا انت يالغاوي اللي تحسب انك حزت منصب عميد=انت الجُملْ مع بعضّهاَ مانت عارف كيف ترتيبها
وأنا ليامن ضربت اضرب بكفٍ باسها من حديد=واللي يحاول معي يعبث ترا الضربات محريبها
ما اقول:انا شاعر لحالي في الكون ولساني وحيد=شاعر وغيري من الشعار من تنشاف اساليبها
شعار يصلون للي يرغبونه من قريب وبعيد =والا انت ماتقرب الهضبة ليامنه عوى ذيبها
الخيل غارو بها الفرسان باليوم العبوس الشديد=وانته ذلولك بعكس الدرب تعطيهم عراقيبها
تطفو على السطح وتحاول تقرّب من بحور القصيد=ماتشوف دوْامتاً ماتنتبه غير انت غاديبها
معجب بنفسك وزاد الطين بله ناسٍ تقول:عيد=شلة بعكس أتجاه القبلة اشوفك تصليبها
وتشوف نفسك بعينك وين من قدك لو انك بليد=والسبحه اللي معك في كل مجلس ليه تومي بها
خذها نصيحه لعلك من نصيحة ناصحك تستفيد=من راعي اللحيه اللي مابعد بيّن بها شيبها
صغير سن وفي الشعر ان تكلم قيل رايه سديد=اسمع كلامه وخوذ الكلمة اللي مايهذريبها
خل القصايد وخل الشعر ما انته واصل اللي تريد=ارفق على روحك وريح ضميرك من هناديبها
أن ماحبكت وكتبت من القصايد جزلها والفريد=قصايدك خفّها لحدٍ من الشعار يدريبها
ماكل طيرٍ تهده يلحق الجول بنجاح ويصيد =بعض الطيور الضعيفة تنكب اللي راح غازيبها
نصيحتي وانت حر وقول ماقاله فهد ياعنيد =أن ماوقعت أبـ بحورٍ تشذب العايم شواذيبها
يعني في المختصر لاعاد بعد اليوم تكتب قصيد=لاتاقع بغبتٍ ماظنتي تحّمد عواقيبها

وســلامــتـــكــم

الاخ الشاعر


فهد السليمي

صح لسانك و بيض الله وجهك

فهد السليمي
صح السانك وابيض وجه

قصيدة كلها عذوبه وجزاله ..

ومساحة للجزالة هنااا

صح لسانك يالذيب وسلم فكرك

دمت

صح لسانك على هالرائعه
لاهنت
وتقبل تحياتي

صح لسانك يالذيب

.. ولاهنت

نص راقي ..و عذب المعاني .. يارومنسي !


سلمت مشاعرك ..


دمت بـ إبداع

صح السانك ولاهنت

قصيده رومانسيه من شاعر رومانسي

لك تحياتي

صح الله لسانك
ولاهنت
وسلم فكرك وبنانك
دمت برعاية الله وحفظة

يعطيك العافية أخوي...

وصح لسانك...



بالتوفيق...

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك