من تكونين !!؟

بسم الله الرحمن الرحيم
السلام عليكم ورحمة الله وبركاته
أتشرف بأنضمامى لهذا الصرح الذى يحمل أسم قبيلتى العزيزه
وأتقدم بأسفى الشديد للأخ العزيز أبو روان على تأخرى بالحضور .
وها أنا أضع هذه المتواضعه بين أيديكم علها تجد القبول من ذائقتكم
الشعريه الراقيه

كلمه و كن الجرح يعزف ونيني =نغمه تعانق لحظة الصمت بأحزان
صوته ينادي و ألتفت و هو فيني=واقع خيال أو هي تخاريف ولهان
جالس و أشوفه في مكاني يجيني=و أنده وأنادي بعالي الصوت يافلان
و لا جيت أبهرب منه غمضت عيني=و المشكله منقوش رسمه بالاجفان
أسج و انسى كيف و هي تحتويني=دام المشاعر طفل صارت له أحضان
حبه مثل عمرٍ مداده سنيني=لا من وقف ذكراه تسري بالازمان
شفت الفلك كله أنا وسط عيني=مدامك انتي ساكنه وسط الاعيان
وبيني و بين الموت هالخطوتيني=إما إجزمي و إلا إصرفي جيش الأحزان
مليت أكون بخاطرك فكرتيني=عيشي الهوى و الا على طول إخوان
ما هو بكيفك يالغلا تقسميني=ما زلت أنا روح و مشاعر للإنسان
بيني و بينك ألف فرصه تجيني=أرفض و أقاوم دامني فيك هيمان
غرقان في بحر الهوى و إفهميني=إما إغرقي و إلا إرحلي كيف ما كان
اخاف أكون بخاطرك دمعتيني=و أخاف أموت و خاطري منك شقيان
في خافقك منهو أنا جاوبيني=راضي و لو قلتي بالإحساس غلطان