ناريه: راشد السحيمي ...و...ثنيان الرشيدي

مرحبا والله يحييكم علـى حشمـه وشيمـه=في محل أهل الوفاء والطيب من ماض الليالي
كان راشد صاحبي ماجود وعظامـه سليمـه=صوتوله قبل لايطيح الشمـاغ مـع العقالـي
البقا ياللـي عزمتونـا ولبينـا العزيمـه=ماحلى دورتك يالفنجال مابيـن الرجالـي
راشد اللي تطلبه واصلك يامـال الغنيمـه=وأنت صاحبنا القديم وحيلتي من دون حالي
بارك الله في رجال ما يحبـون الظليمـه=والوفاء من بينهم والهيل في صفر الدلالي
والله إنا مانطالع فيك بالعيـن الكريمـه=أنت صحبنا الموسـط لابعيـد ولاموالـي
علم اللي مادرا حنا علاقتنا قديمه=يعلم الله ما يغير طبعنا سود اليالي
ياثنيان الجمال الكل معطيله خريمه=لايدركها الحديد ولايدركها الحبالي
الليـال إ دور والدينـا مشاكلهـا مقيـمـه=مير قلي يالسحيمي وش غدالك وش غدالي
أصبحت عوجا وعرجا مالها في السوق قيمه=نتفوها في الجنوب ونتفوها فـي الشمالـي
دارت الايام ماقدرت تطش شداد ريمـه=ماغدا مني جنيه ولاغدا منـي ريالـي
مايصح إلا الصحيح ولاتضيع إلاالبهيمه=وأنت منته مكتمل لكـن لله الكمالـي
خمسه وعشرين في الشارع وعشره تحت خيمه=وإن نشدتك قلت لي مامـن خطـا ياهمالالـي
والله إنـي لاتعـب الأقـدام وأفكـاري حكيمـه=والحلال اللي يطب النـار ماهـو مـن حلالـي
............................قالوله حريمـه=وأنت رجلك طالعه بالشمس ماهي بالظلالي
إرتكبت مخالفـه لكـن تكفيـك القسيمـه=راس مالك لانقص لاتكمله من راس مالي
الحروب اثنين والاول على باب الهزيمـه=وأنت يابو زيد عدوك الاجابـه والسوالـي
أنت عقبي صاير في المنطقه شيخ وصتيمه=مير لاقربت لك يصلاك في دنيا ك صالـي
مدحت الرجال في وجهه قريب من الشتيمه=إن بقت بيدين عمي وإن تعدت عند خالـي

عساك سالم
صح الله لسان الشاعرين
لك جزيل الشكر والتقدير على هذا النقل الجميل

	المشاركة الأصلية كتبت بواسطة الندآوي

	عساك سالم صح الله لسان الشاعرين لك جزيل الشكر والتقدير على هذا النقل الجميل

الندآوي
مشكور على مرورك

بارك الله فيك
اخوك الحب الباقي
دمت بخير

صح الله لسان الشاعرين

يعطيك العافيه على الملعبه...
بارك الله فيك ...
تحياتي

صح الله لسان الشاعرين

بيض الله وجيه الشعار

ويعطيك العافيه على النقل والأختيار الراااائع

بارك الله فيك

تقبل تحياتي

ودمت بخير

صح لسانه وسلم سلم بنانه مليون

الله يعطيك العافيه

يافارس عوف

دايم عوايدك الجزيلات


ونعم براشد السحيمي

صح لسانه