صياف الحربي ... و ... رشيد العلوني

يامرحبا مثل الذهب في سوق صراف=ي حلة اللي يكرم اللافـي ويغليـه
شاعر شبابه قالوا الشعـار صيـاف=وانا ازبن اللي يقتل الميت ويحيـه
دام البقاء باللي بد في راس مشراف=وان جاه طرقي يبي القهوة يقهويـه
كل على ميقاف وانـا لـي ميقـاف=وان ما عرفت الرجل باسمه لا تناديه
ليت الشبلبي يحتفي ما عاد ينشـاف=مبلش عباد الله عسى ربـي يكافيـه
فوق اليتامي ليش تهدم قصر الأوقاف=واللي هدمته هدم ما يمديـك تبنيـه
اترك شبابه فالحرم تسعى وتنطـاف=مبروك كان اول كلامك مثـل تاليـه
انته تطالع للنخل والصيف ما صاف=ولياء استوى تمر النخل نعطيه نعطيه
اصل الصلاة اللي ورا صياف تنعاف=مبروك مهما قال ماني مقتدي فيـه
نخله حذفها في طريقه كـل حـذاف=واللي يواعد بالفرج ما عاد يمديـه
دور لها محراف قبل يشيـب القـاف=ما يحفظ لسان البنادم غيـر واليـه
انتم عرب فيكم وسط وسمان وضعاف=مير الضعيف لو يخطي مـا نباريـه
انته تحرفها لياء حصلـت محـراف=لا بارك الله فالجميل اللـي تسويـه
حنا عرب لياء رمينا نصيب الاهداف=واللي كشف راسه لا بد القوم ترميه