هذا الزمان اللي يغبن الخيارا

مسآء الخير /// هذهـ قصيدة إجتماعية اتمنى ان تنال
على استحسانكم ورضاكم ....

كم واحد نومه من العين طارا = عانق همومه وانحرم لذة النوم
يسهر وفي قلبه هموم تبارا = كنه وحيد بالخلا ماله عزوم
حرّ تسلسل من رجال حرار = اللي لهم عز وتماجيد وسلوم
الطيب الازرق والدلال السطارا = وقولة هلا يامرحبا طبع له دوم
قرم كريم من رجال كبارا = جزال السوالف ذرب وافي وشغموم
مال الدهر بالحال وداس الخطارا = والمعضله من كبرها بات مشؤوم
ولاهان نفسه عزّها بالجبارا = وبجبلته طير علا واعلتى الحوم
وكم واحد نومه بليل ونهارا = لاهم في نفسه ولاصار مهموم
ماذاق من غبر السنين العسارا = ولاصكته بقعا ولاصار ملطوم
خبل بمنطوقه وفعله خسارا = وبسوق سقط القوم صافي له السوم
صفت له الدنيا وفي كل دارا = تلقاه في صدر المجالس له اعلوم
تصدّر المجلس بكل إفتخارا = وركب الفرس وقاد السرايا على القوم
انا الذي فعلي على الطيب سارا= ونجمي علا ولااظن فوقي ولا نجوم
وانا الزعيم اللي بيوم المثارا = كم فارس من صطوتي راح مهزوم
لاجاء نهار الكون وعجّ الغبارا = فعلي تشوفه لانكعم كل زيزوم
هذا الزمان اللي يغبن الخيارا = زحول الرجال اللي لهم مجد معلوم
سجلهم فيه الدّرر والمحارا = بأفعالهم .. ماجت سواليف وحلوم

الاخ الشاعر : بدر القويضي


صح لسانك على هذه القصيد الجزلة ،،،،،، و لاغرابة أن تكون قصيدة جزلة من شاعر جـــــــــــــــــــــــزل


و أسمحلي أن أقول أنت

شاعر كبير

حتى لو زعلوا علي من قال ان اسم شاعر كبير لاينطبق إلا على أثنين من شعراء حــــــــــــــــرب و إن شاء الله أنك منهم ،،،،، و لكن عسى خدمتك بالشعر 30 سنة

اخي العزيز / فارس عوف
اولاً : صح بدنك وشكراً لك على مرورك العطر
ثانياً : اتمنى ان اكون عند حسن الظن ومن فضل ربي هناك الكثير جداً
من شعراء حرب شعراء كبار يشار اليهم بالبنان اتمنى ان اكون احدهم
وشاكر لشعورك ايه الحربي الابّي
ثالثاً : اشكرك شكر خاص على كل جهودك فيعلم الله ان لك جهود جبارة
في خدمة قبيلة حرب فشكراً للمرة الثانيه ايه الحربي الابيّ
رابعا : دمتـ بخير أخي / فارس عوف ....

صح لسانك وعلا شانك

والله يعطيك العافيه على القصيده الجزله

بيض الله وجهك

تحياتي

أخي الغالي ::
بدر القويضي
صح لسانك
وهذا الشبل من ذاك الأسد

ارحب تراحيب المطر والله يحييك

صح لسانك وسلم فكرك

رايعه بروعة حضورك

لاخــلا ولاعـــدم

لك فائق احترامي وتقديري

الله يـعـطـيـك الـعـافيـــــــــــة على القصيده وصح لسانك مليون
بيض الله وجهك

صح الله لسااانك وقلبك

مبدع لله درك

دمت بوود

يعطيك ألف عافية...

وصح لسانك...

قصيدة جميلة وتصميم رائع...

بالتوفيق...

صــح لـســانــك .. و علا شــانـك اخـويــ ..

مـبــدع دايـمــا ..

يـعـطـيــك الـعـــافـيـــه .. ..