مـابـرد قـلـبـي فـيـك!!

علموها,,فهموها..مادرت منهو اكون=مادرت اني رفيع الشان وحروفي ذهب
علموها عن فعالي طاولت غب المزون=علموها عن شموخي لو تبي تخطي تخب
من فخاري يا بنيه انهدم عالي الحصون=لي طريق ولي ركاده ما يزلزلها صخب
من صغر سني وانا ارقى عالياتٍ ماتهون=انحت لجلي رقابن وانثنت لجلي ركب
لو اسطر حرف واحد تسهر لحرفي عيون=مير انا راقد ولا أدري والخلايق في لجب
كل ذنبي دوم اني ماخلق مثلي زيون=منحدر من بيت عز وكاسب العليا رتب
العقل فالبنت زينه والعمى عيب العيون=وانتي اخطيتي وحظك طيحك وسط النشب
مادريتي عن خصيمك مادريتي من يكون=احمدي..يابنت اصحي شاعر تحت الطلب
احمدي يركع عشانه كل قاف مايهون=ترجف لقوله اعاجم وترتعب منه عرب
لايغرك شين فعلك الخطا مثل الديون=لو تأخر يوم عنك لاتظن انه تعب
من يقول القول يحمي كلمته مهما يكون=بالبنادق محتميها وهامتي فوق السحب
ايه صغير السن لكن مازبن مثلي زبون=احمدي والجد عامر ويانسيم الشرق هب
بالشعر حنا مدراس وفالمعارك كالجنون=والمغازي شاهدات فعلنا فيهم عجب
كم حريب مالحق يرفع سلاحه بالطعون=سال دمه فوق نحره من سبايبنا شخب
أسألي الاتراك عنا يوم هدينا السجون=وأسألي الاحلاف عنا كربهم منا كرب
لو يصير البحر حالي مانذل ومانهون=دام فينا طفل يحبي صيتنا مثل الشهب
من قديم الوقت حنا عاصفه عقب السكون=ولا مثلك يابنيه همها سوق ولعب
احذري فالنار تاطي تحرقك مثل الغصون=وأحذري ترمي بكلمه تفتح أبواب اللهب
انتي اخطيتي فحقي والخطا منك يهون=لكن البلوه رجال هرجهم كله عطب
لو بهم خير وشهامه مارقى مثلك متون=نصبوكي عالزعامه والمراجل تنتحب
من عقب سود الفعايل بالمجالس ينكرون=زودوا ذيك البلاوي بالدسايس والكذب
حرمة سادت بربع عمرهم مايفلحون=قالها خير البريه قالها خير العرب

قصيده رااائعه واسلوبك متميز .. وشاعر بمعنى الكلمة ..

صح لسانك وبيض الله وجهك

والله والنعم بالقصيد وراعي القصيد
والاحامده كلهم صح لسانك وليت
الناس تفهم

بقايا وميض

الله يـعـطـيـك الـعـافيـــــــــــة على القصيده وصح لسانك مليون
بيض الله وجهك

منورين حبايبي

صح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
اخيك ابوروان

صح الله لسانك و بيض الله وجهك

قصيدة رائعه ومن شاعر جزل

تحياتي

اخوك

منورين حبايبي

صح لسانك ملاييييييييييييييين



شاعر جزل اطرب لقصائدك

يعطيك العافية أخوي...

وصح لسانك...

قصيدة ...رائعه..

بالتوفيق...