تذكرت جار الطنب وملاعب النجر

انا البارحه مانمت لين اذن الفجر
على ذكرياتن مع مرور الزمن محت

تذكرت جار الطنب وملاعب النجر
بعد ماسفينة ذكرياتي بي اجنحت

وتذكرة منهل كل طيه من الحجر
توافد عليه الورد من صبح وامرحت

حداهم لهيب القيض ماحولهم هجر
مظاهير بدون كل ماقامت اسرحت

وتذكرت غير وغير حتى من الشجر
بعد طوقتني طوق محكم لي اجرحت

عسى ماجرالي فيه عبره وفيه اجر
لو هجوس قلبي في عكس الزمن نحت

من العام بين الهم والغم والزجر
لاقلت اقبلي يابيض الايام دلبحت

وانا ماتحمل من زمان الشقى هجر
لو اني حياوي عوب الايام ماستحت

صح لسانك

كلماتك غايه في الروعه

أحييك على هذه القصيدة المتميزه

دمت ودام شعرك وبوحك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله ابدانكم الجميع

صح لسانك
والله يعطيك الـعافية

صح السانك اخي سعدقصيده جزله بهامفردات
جميله من ذكريات الماضي - النجر- جارالطنب-
-- منهل مواريد الماء -- جدارايعه ماشاالله

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك وسلم بنانك

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

صحة ابداااانكم الجميع