دار الفهودي

كل عام والوطن واهله بالف خير... دام عزك يا وطن

في يوم ذكرى عيد دار الفهودي = اللي بناها طيب الذكر والفال
بريح الخزامة والنفل والورودي = التهنئة بالعيد للكل تنقال
واعوام تلفي يا لعله يعودي = والدار واهل الدار في طيب الحال
ويا دارنا حنا لأرضك جنودي = ونحميك بأذن الله من شر الانذال
وعن كل ذرة رمل فارضك نذودي = وبرواحنا نفديك في كل الاحوال
حنا نحبك حب ماله حدودي = وانت الوحيد اللي لك القلب منزال
والشاهد الله دامنا فالوجودي = رايتك خفاقة ولك منزل عال
والفضل لله ثم لآل السعودي = اللي لنا مزبان فالوقت وظلال
آل السعود اللي تفي بالوعودي = حكامنا اللي تعدل الحال لومال
نسل الامام الحر ذخر الجدودي = عبدالعزيز اللي بنا مجد الاجيال
اسس لدولة نايفات الحيودي = ماتختلف لوصار فالوقت زلزال
وحنا لهم فالصادره والورودي = اعوانهم فالسلم و وقات الاهوال
احرار ما ننقض لذيك العهودي = نمشي على درب الصناديد الابطال
حنا جنود الدار نحمي الحدودي = والقول لاقلناه يثبت بالافعال

[web]http://www.m-harb.net/vb/showpost.php?p=1442618&postcount=1[/web]


( لله درليوثٍ طال غيبتها ... حتى تولى زمام الحكم سلمان )

صح لسانك .. وكل عام وانت والوطن بخير

قصيده رائعه جداً يعطيك العافيه

ماأروع الشعر إن زان بالنضمي .

الله يحفظ وطنا من كل مكروه
وكل عام وهو في امن وسلام
صح الله السانك لاهنت

ياسلااااااااام

صح لساااااااااااانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك