مشاركتي في حفل تكريم الشيخ مشعل بن عبدالمجيد بن حمادي

مشاركتي في حفل قبيلة بِـشــر المُقام لتكريم الشيخ مشعل بن عبدالمجيد بن حمادي

من هاجسٍ حُـــرّ المعاني حسامه = والطايلة مبداهـ في كلّ هيّه
مثل السحاب الغرّ يوم اِحتدامه = حياهـ يحيي كلّ دارٍ سنيّه
ومثل العقاب اللي سما الشعر حامه = غير السمينه ما يضوّي عليّه
إن هدّ حلق فوق راس الغمامة = وإن وقعّ يوقعّ براحة يديّه
الحرف لبستّه عقال وعمامة = وبشت وعطيته مسبحه مثل ذيّه
حتى ما يلحقني لا قلته ملامه = في ماقفاً ما فيه مثله و زيّه
ماقف به الرجّال يرفع مقامه = قُدم الرجال مداحمين الثريّه
سلام شعل و وُضح تردف جهامه = سَوقه كما سَوق أشقر الشاذليّه
سلام شاعر مرحبا يا حزامه = يا جنّتي يا بِشرْ والنار حيّه
يا بِشر جنّة من يريد السلامه = وناراً لظى لأهل النوايا الرديّه
يا مزبن اللي ضامي الوقت ضامه = من كٓوثٓـرِك يا بشر شربه هنيّه
يا نُصرة المضهود يوم إنهزامه = ما ينهزم فزّاع بِشر الحميّه
يا بِشر أخو نورهـ صوايب سهامه = يا سيفه المسنون صُبح وعشيّه
يا بِشر يا يمنى ملوك اليمامة = بطشتك من دون الحدود الأبيّة
يا بشر عرش العزّ عرش الشهامة = يا بِشر فرعك عرش ربّ البريّه
وسلام ثاني يا حفيد الزعامة = يا مشعل الجدّان والنار حيّه
يا مشعل اللي ناف هامة وقامة = قصرٍ على ربعه ذراةٍ وفيّه
مشعل عنان المجد ذروة سنامه = جمّ العدود الراهيات العذيّه
من وين ما وجهّ لقى المجد أمامه = كل العروق تصبّ فيه أجوديه
الطيب خاله والمعزّة عمامه = من ضهر بشري ومن بطن حازميه
هامة تعلتّ بالوفاء كل هامة = وبالطيب وفعول الرجال النقيّة
يا مشعل أهل الجود وأهل الكرامة = وأهل النقى والمدّة الحاتميّه
أنا أشهد إنّك بدْرْ بِشر ف تمامه = وسهيل حرب الدولة الصيرمية
هذا كلام الشاعر اللي كلامه = ما يحتمل زيف و رياء وعنصريّه
ولد العريب اللي بـِ شارة بهامه = يحلّ كايدة الصعاب العضيّة
يعلّ قبره في ثعول الغمامة = تغشى ثراهـ بْكل مسا و اِضحويّه
والخاتمة عَـداد نبت الخزامه = وعدّ المطر لا سيلّ الجرهدية
صلوّا على شفيع ربي فأنامه = في يوم كشف البينة والخفيّه

•
•
وســلامـتـكـــم
4 شـــوال 1437هـ
•
•
•
#حفيد_الحجيري

صح الله السانك
لاهنت
ولاهان
منطوقك

صح لسانك يابو علي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك