عين الجراده

سمعت هرج اللي حياته تسول
عايش على هدم البخت واالشحاده
في كل ديره بالزمان ايتجول
كسر قبل صيد الارانب شداده
العام من فوق السفينه محول
تله شجيعن فيه عرف وركاده
اللي مايفهم ليه تله تهول
والسر في وضع الخرز بالقلاده
واليوم له شيطان نفسه امسول
عاد الخطاء والمشكله بالاعاده
الفارس اللي كان بالخط الاول
يوم العدا كلن قدح في زناده
ماقال ماني بالقضيه مخول
اسرج لخوض ام المعارك جواده
له ماقفن بين الرجاجيل دول
مايجهله ياكود راعي بلاده
واليوم تنسا ماقفه يالمهول
كله رضا لعيون عمك حماده
عليه ياراع الخطاء لاتعول
لاتصير عينك لون عين الجراده
ماقول ماتسمع كلامن مقول
اخر اصداري ياضعيف الاراده

صح الله السانك ملايين

قلت واجزلت

ابو سعود
صح بدنك وماعليك زود

صح لسانك يابو تركي

قصيدة استوفت الجزاله والمعني
مبدع كعادتك يالامير

دايم جزل يابوتركي

صح لساااااااااااااانك ملايين

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك و اعتلى شانكـ شاعرنا ....

صح الله ابدانكم
الجميع وماعليكم زود

صح لسانك ياشاعر حرب المبجل المقدر المكرم .

سعد عبدالله المحمدي انت في قلوب الحروب .

كل ابناء حرب يبادلونك الحب والتقدير والاحترام .



متى يكرم سعد المحمدي ياحرب ؟؟؟؟

الاخ مريع
بعد التحيه
صح بدنك وسلم فكرك وشهاده منك اعتز فيها وتبقى تاج على راسي
وعن التكريم رضا ربعي حرب عليه هذا تكريم لي والرجال ان فعل شي دون قبيلته
حق عليه ومايمدح فيه
اخي سلمت ودمت على مشاعرك الطيبه