ابوروان النويمي+محمد الجحدلي

الملعبة الرابعة
محمد الجحدلي.. ابوروان النويمي..
بعنوان جيت أباشر

جيت اباشر بالسلام اللي من القلب الرطيب=مع قروم القوم حنا نمتلك معهـم نصـاب
اتحزم بالمعانـي والقوافـي مـا تشيـب=اتنقى من صنوفٍ شامخه فـوق السحـاب
جيت عاني يالبناخي مرحبا في تراحيب=والعرب تفرح بكم عد مالاح الضبـاب
المعاني والقوافي والرجال المكاسيـب=انتقي ياصاحبي جعل نبدي بالشبـاب
كسرت الميزان تعضي يالنويمي يالحبيب=ينكسر معها نيوب الليث فبطون الشعـاب
وانا متغذي بحور الشعر مع رضعةْ حليب=واتأمل فالقصايد بالنظـر شلـت النقـاب
جعل ذا الميزان مايقربه ياالصاحب قريب=والسوالف توها تطلع مع طلوع الذيـاب
قام حظي يوم جيتك دون شك ودون ريب=مار حاظر يالبناخي لا يضيعنا السـراب
ودنا ناخذ معاكم طرق فالجو الرحيـب=ودنا نا خذ ونعطي ما يقيدنـا حسـاب
مرحبا بك مرحبا بك قيف ياعز النسيب=انتغنى بالمثايل حاضره وابليس غـاب
العلوم اعلوم طيب اصلك يالخال العريـب=وانت راعيها وتبشر هات واعطيك الجواب
البقابـك والبقابـك يالبناخـي يالمهـيـب=جعل مايطري علينا ثـم تعـود للخـراب
فالمعارك مانفرق بين جنـدي والنقيـب=لاحتمى الموقف وشبت نارها مثل الشهاب
يالنويمي شوف نحله جابت الشهد الصبيب=انتبه واصحى تغرك جثتٍ وسط الثيـاب
فالمعارك يامحمد نرهب الخصم ترهيب=ثم ثابت واسعدو وايستريحـو للعقـاب
من يعاين لي عسلها غير دب الرعابيب=كم من رجال يتستر بستره خلف بـاب
جعل راسك يانويمـي فالملاقـا مايغيـب=نحتزم بك نحتزم بك لاتوسدنـا الصعـاب
نحمد الله نحمد الله جحدلي صادف لبيـب=وزانت الجلسة بحضرت قوم وافين الجناب
جعل راسك يامحمد ماتجيه المخاليب=دام ربعنا شبابه باللقا نلقـا المجـاب
من صفاتك يالبناخي ماتعدي المعازيب=نخوة الرجال فيكم ياعربين الانسـاب

صحت السنتهم وبيض الله وجهك

صحت السنت العمالقه


وبيض الله وجيهم

الله يـعـطـيـك الـعـافيـــــــــــة

بيض الله وجهك

الله يـعـطـيـك الـعـافيـــــــــــة

بيض الله وجهك

يعطيك العافيه وبيض الله وجيه الشعار

محاوره راااائعه

تقبل تحياتي

ودمت بخير