اللي تزوج ثانية؟............................................ ..................

السلام عليكم ورحمة الله وبركاته

احد اخواني يقول انه يفكر بالثانية
نسال الله له السلامة من التعدد
مع اني لاتوقع انه يسويها لعلمي انه انسان يحب الاستقرار
والهدوء
طبعٍ انا موضد التعدد اللي له اسباب تستوجبه لكني ضد ان بنت بعز شبابها
تضيع عمرها مع واحد اكبر منها ب20سنة وعنده نص درزن بزورة!!ان فضلها على الاولى كسبت اثم وان واساها فيها هضمت حقها وفي كل الحالتين خسرانه
اما دنيا ولا دين
وعلى قولة جدتي ربي يطول بعمرها الرجل يوم يعدد في السابق مستفيد اللي عنده حلال تساعده عليه
والفلاح كذلك لكن الحين حمل فوق حمل.

اللي تزوج ثانية وش كسبه؟=شال الحمل ثاني على فوق ماشال
يبا يصير كويرةٍ ينلعبه=كلٍ تشوته شوت ماهمها الحال
وضعٍ كما المنشار يلعب بعبه=ياكل على الطلعة وياكل بمنزال
لا. لايفكر يرحمنه وربه=كلٍ تبا تاخذ على وجهها فال
ويابنت لاترضين خطو المشبه=اللي يسب الاوله كل ماقال
حط العيوب بحرمته دون سبه=يقول فيها عيب لوز يل مازال
وبكرة يلاقي فيك عيب وينبه=يخيل له برقٍ ورا عدة اجبال
وترا طري الزاد عكسه مغبه=ومال الكبر يابنت حلٍ وترحال
الا الجنية من الذهب ما يشبه=مع الزمن يعطيك قيمة ومعدال
عليه ختم الجودته من مغبه=لا ميتغير لو عليه الزمن حال
ماقول قولي عن طريق المسبه=لكن نشوف بمجتمعنا من اهوال
كم واحدٍ لا التاليه زاد خبه=وسحب على بيتٍ به بني وعيال
غدا بمهب الريح سوٍ يهبه=ضاع الولد والبنت صارت على جال
مهياف لو طبت؟ مصيبة مطبه=لاعدد؟ وللازمة مابها جدال
لكن على دروب المصاعب تنبه=مسك العصى مع الوسط خير ميقال
ومنهو يصون امانته عند ربه=يلقا جزاه بجنة الخلد بظلال
راضي ومرضي والعرب ماتسبه=يلقى وقاره عند حلٍ وترحال
وماينفع المخلوق يا غير ربه=لانفعه عمه ولا نافعه خال

عليه ختم الجودته من مغبه=لا ميتغير لو عليه الزمن حال
طبعٍ هذا الرجل اللي بمعنى الكلمة فهو مكسب حتى لوكان
كبير بالعمر
هنا موضوع ذو صلة
http://www.m-harb.net/vb/showthread....67#post1421767

صح لسانك
وبيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة نديم المجرة

	صح لسانك وبيض الله وجهك

صح بدنك
لاهنت
ولاهان
مرورك

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك
ولاهنتي