لو ان المسأله فيها ادِّخار

لو ان المسأله فيها ادِّخار و قلّةٍ للصّرْف= و حرصٍ من حكومتنا الرشيده ما تبي التبذير
قبلناها و كل الشعب، رغم القل، غض الطّرْف= لو انّ الدخل للبترول ما يشفع له التقتير
لكن المال يذهب سبّة اللي يغرفونه غرْف= و حاميها حراميها بلا خوفٍ و لا تشفير
بلانا من بطانه فاسده عكس النُّظُم و العُرْف= لها في كل مشروعٍ نصيب، و تمنحه تمرير
و عامّة شعبنا ماشي بدحديرا وراها جرْف= و طويل العمر يعطونه علومٍ كلها تزوير
يبو متعب وزير المال لو جادل بقل الصّرْف= ترا ما وفّره يذهب بليّا حق بالتجيير
عليك بواحدٍ مثلك أمين و بالاداره حَرْف= يراعي حاجة الشعب و يخاف الله و كلِّه خير
و خلِّصنا من اللي تهفي الذِمه بقلّة عِرْف= تقول "انا" و من بعدي يجي الطوفان و التهجير
لها ميزه وحيده في عملها تنتهِجها سِرْف= اشراها للذمم عيني بعينك بعد دهن السير
يقوله شاعرٍ حب الوطن دوحٍ ظلاله وَرْف= نبت بين الحنايا ما يخونه عِرف أو تعبير
الى منِّه سمع له كلمةٍ عوجا من اعدا قَرْف= و علمهم اصول الانتما؛ حِجّه مع تبرير
أحبِّك يا بلادي حب ما يمليه وَضْع و ظَرْف= يشابه حب الام لورعها الوحيد و اهْو اصْغير

تسجيل تواجد في منبر الجزاله
صح لساانكـ
بيض الله وجهك

يقـولـه شـاعـرٍ حــب الـوطـن دوحٍ ظـلالـه وَرْفنبـت بيـن الحنـايـا مــا يخـونـه عِــرف أو تعبـيـر
الى منِّه سمـع لـه كلمـةٍ عوجـا مـن اعـدا قَـرْفو علمـهـم اصــول الانتـمـا؛ حِـجّـه مـــع تـبـريـر


لله دره من شعر
ولله درك من شاعر

يسلم إثمك

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

يا هلا بك يالحب الباقي
صح بدنك و مشكوور على جهودك و حضورك المشرِّف

	المشاركة الأصلية كتبت بواسطة طلق المحيا

	يقـولـه شـاعـرٍ حــب الـوطـن دوحٍ ظـلالـه وَرْف نبـت بيـن الحنـايـا مــا يخـونـه عِــرف أو تعبـيـر الى منِّه سمـع لـه كلمـةٍ عوجـا مـن اعـدا قَـرْف و علمـهـم اصــول الانتـمـا؛ حِـجّـه مـــع تـبـريـر لله دره من شعر ولله درك من شاعر يسلم إثمك

سلمك ربي يا طلق المحيا

شكرا لحضورك

صح لسانك وبيض الله وجهك

	المشاركة الأصلية كتبت بواسطة ابوهليل

	صح لسانك وبيض الله وجهك

صح بدنك يبو هليل
و لا هنت على حضورك

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك
ولاهنت