قولو الحائل تفتخر بالطهيمي؟...............................

في اجازة عيد الفطر اللي فات سوينا رحلة سياحية الحائل القصيم الرياض
ولما كنا بحائل قالو من المعالم اللي ممكن نشوفها
مضيف الشيخ/عليان الطهيمي رجل الاعمال المعروف كثر الله امثاله
ومريناه ماشاء الله منفذ بطريقة جمالية راائعة
مسوي تل مزروع في بوابة المجمع السكني وفي اعلى التل بيت شعر وسيارة قديمة
ومضيف كامل داخل البيت طبع بيت الشعر مشرع لضيوف
وعرفت حائل واهلها بالكرم
من زمن حاتم الطائي
ومن هذا الموقف جت هذه الابيات اللتي لاقصد فيها الا الافتخار بهذا الرجل
من قبيلة حرب ومن حقنا ان نفتخر فيه

قولو الحائل تفتخر بالطهيمي=انشهد انه فخرها قول وفعول
ان كان حاتم في فخرهالزيمي=اليوم تفخر بالطهيمي لها انقول
اللي على الشارع مضيفه وليمي=مافيه بابٍ يمنع الضيف ويحول
شفته بعيني ماهو قول وهيمي=باهل العلوم الغانمة دوم مدهول
مجلس (وزيريينن) وفرتٍ قديمي=وبيت الشعر لاجاله الضيف مزهول
ودلال رسلانٍ ببنٍ يزيمي=مع زعفران وهيل بتقان معمول
والقهوجي وسطه خدوم وليمي= علامةٍ ماعقبها شيء مجهول
اصبح معالم رمز بيت الكريمي=مشرعٍ لا الضيف حولٍ ورا حول
سجل له التاريخ نهجٍ سليمي= يبقى على مر الزمن رمز ميزول
انعم واكرم فعل شيخٍ فهيمي=من روس حرب مطوعة كل مغلول
ابافتخر به والفخر لي نديمي=مادامه اهلي حرب فريس وزحول
والشعر سيف وخجرٍ مع قديمي=من لاتقنه يطعن عوانيه. بالقول
ولاهضم حقوق الغير ولانقص خصيمي=كل القبايل طايلة للعلا طوول