يـاالله بـنـوّ ٍ لانـشـاء كــنّه الـطـود=غيثٍ من المـولـى ورحـمه سـريـعه

يـاالله بـنـوّ ٍ لانـشـاء كــنّه الـطـود=غيثٍ من المـولـى ورحـمه سـريـعه
مزنٍ من المنـشـاء به بـروق ورعـود=وبـله حـقـاق ونسنـسة له مـطيـعه
شرقـيةٍ تـفرق عــلى باقـي النـود=تقهر سـحـابه فوق نـجـد الوسيعه
بامر الـكريم اللّي عـطـاء أل داوود=ملكٍ عـظيم وخـير نـهـج وشـريعه
يظـفي عـلى كـل المـداهيل ويـزود=مـن منفذ الدرّه الشـرق الـوديـعه
ماحـده الديّر عــلى جـو مسـعـود=يــفرق عـلى كـل المـواقـع ربـيـعـه
دارٍ سهـجها بالـقدم لـيـّن الـعـود=بيـن النفود وبيـن رجـم الرفـيـعه
مدهال خشف الريــم مربـاع للذّود=الله وهـبهـا من جــمال الطـبـيـعه
ريح النفل يفرق على الشيح ياسعود=عـنـدي وكـلٍ لـه مـزاج وطـبـيـعـه
وجـدي على وقتٍ مضاء دونه اعـقود=اعـيش يـومي مـاحسيت التبـيعـه
والـبيت بالمــرباع يـبنـنه الــخــود=بيض العـذارا يالـقـلـوب الـولـيـعه
زينن طبيعي واشقر الراس مرجود=ماحـطـن المـكـيـاج مـثل المـذيـعـه
بيت الشعـر يامنبع الطيب والجود=عــيّا زمــان الـعــولمـه لايــطـيـعــه
وقـتٍ مضاء ياسعود ماظـني يعـود=مافـيه بيـن الناس غــش وخـديـعه
بيض النوايا ماتـجي عكـسهـا سود=ولابـه مـشاكـل بيـن سـنّه وشــيعـه
ذاك الزمـان اللّي بـه الخـير ماجـود=بيـن الاقــارب ماتـشـوف الـقـطيـعه
والجـار له عـند الـعـرب كـار مـعدود=والبـدو رحّـل والـفـيافـي شــبـيـعـه
واليوم دور الـهـرج والـعـلـم مردود=شـبـع الثعـل والاّ الذيـابه مـجـيعـه
والصـبر غـبّه قـالـو الـناس محمـود=مـن عـيّنـه ياسـعود ماحـدٍ يبـيـعه
لاشـفـت بالموجـز صواريـخ وحـشـود=كيف الـعرب ترضى هـوان وهزيـعه
يسرح ويـمرح بالعرب عـقب نـمرود=عـارٍ عـلى المسـلـم وحرب شــنيـعـه
دنـيا كـفـا الله شـرهــا مـابـهـا فـود=يالله دخيـلك مـن زمـان الفـجـيـعـه
ياالله بنـصر منـك ياخـيـر مـعـبود=تنصرٍ هل التوحيد واهـل الشريـعه
غـصبٍ على الحسّاد وبليس ملهود=مــن دوّر المـدخــال مـاله ذريــعـه
والمـملـكـه بـحـمـاك يامرسـلٍ هـود=تبقـا بـخـير وباالحــصون المـنيـعه

التوقيع مساعد الجليدي

شاعرنا ونص يحمل في طياته صور
لمشاهد اشغلت فكر شاعرنا
واشعلت قنديل
ابداعه
ليسطر هذه الباذخة معنى ومغنى
صح السانك ولاهنت
ولاهان مقامك.
والله يغيث البلاد والعباد

	المشاركة الأصلية كتبت بواسطة الكحيلة

	شاعرنا ونص يحمل في طياته صور لمشاهد اشغلت فكر شاعرنا واشعلت قنديل ابداعه ليسطر هذه الباذخة معنى ومغنى صح السانك ولاهنت ولاهان مقامك. والله يغيث البلاد والعباد

مليون شكر لك ياالكحيله على مرورك الجميل
دمتي بخير وسعاده

الشاعر
مساعد الجليدي
صح لسانك وعتلا شانك

	المشاركة الأصلية كتبت بواسطة سعد المحمدي

	الشاعر مساعد الجليدي صح لسانك وعتلا شانك

صح بدنك ولاهنت ودمت كما تحب

صح لسانك لاهنت والله يغيث بلادنا وبلاد المسلمين انه سميع مجيب

	المشاركة الأصلية كتبت بواسطة صلاح الحيسوني

	صح لسانك لاهنت والله يغيث بلادنا وبلاد المسلمين انه سميع مجيب

شكراً لمرورك الجميل دمت بخير وسعاده

صح السانك وبيض الله وجهك

	المشاركة الأصلية كتبت بواسطة نديم المجرة

	صح السانك وبيض الله وجهك

صح بدنك ولا هنت ودمت بخير وسعاده

صح لسانك شاعرنا القدير مساعد الجليدي حتى ترضى

قصيدة حروفها من ذهب وتستاهل الوقوف احتراماً وتقديرا لشاعرها

لله درك ارتويت شعرا وجمال بهكذا قصيده

سلمت ودمت وزادك الله من فضله