ديواني الشعري

بسم الله الرحمن الرحيم

السلام عليكم ورحمة الله وبركاته

ان شاء الله تعالى سوف انزل جميع قصائدي هنا من الديوان وقصائد لم تسمع من قبل
ولكم تحياتي

بسم الله الرحمن الرحيم


البداية من عندي :

قمت افكر باالزمان ومايشيله من متاعب = واتذكر واتفكر باالحضور وباالغيابي

مرّت أيام وليالي مسرعه رغم المصاعب = غيّرت من جورها حتى معاليم الترابي

وقمت اداوي في جروحي والعدد للفعل غالب = طال ليلي يامساعد فيه ماحصيت الحسابي

وقتنا هذا تغير واصبح المطلوب طالب = من سلم من شوكة العقرب شكاء من سم دابي

فيه شفت الطير الأسود له سبوق وله مخالب = طير شلوى يندبونه من عقب ماهو غرابي

مايرد الي مضى كثر التوجد والمطالب = وقّفت متعلقه بين العريضه والسحابي

روّحت بااهل الوفاء واليوم تقطنها ثعالب = حضرة الي ماسلم من جمرهم بيض الثيابي

لو تبا تخلص بعلمك ماسلمت من المقالب = جرهدن منا ومنا يطّرد فيها سرابي

شافها من شافها والعلم كله صار سالب = مير ياربي جنانك باخر حروف الكتابي



شعر : سلمان الحربي



(( .................................................. ............................................))

ياهلا ويامرحبا باالي معي قلباً وقالب = الصديق الي فرض طيبه على حضرة جنابي

الزمن هذا يابوثامر مافيه الا الغرايب = لاتغارب شي لو ماشفت به شيئاً ايجابي

ولا تغارب ميلة الايام والحظ إيتثاؤب = ولا تباعد يحدث الي ماحسبنا له حسابي

فيه ناس من ال ضفاور يذكرون بسد مأرب = غيرو شكل السعيد وجو يسوقون الركابي

مالهم هنا قرايب لكن ان الهم مآرب = ومالهم هنا حبايب لكن ان الهم كلابي

وفيه ناس اتدس في سمن الغنم سم العقارب = وكثروا الي ياخذون الطيب ويعطون العلابي

والعدو حتى العدو ياتيك لابس ثوب صاحب = ظاهره ظاهر صديق وباطنه باطن ارهابي

لكن المرتاح في هاالوقت من سدد وقارب = اما من فكر ودقق شاب في عز الشبابي

ومن كسب مثلك صديق نشهد انه صار كاسب = صحبة الي مايمل ولايعوّض كان غابي

الشاعر / مساعد الرشيدي

ربعي قبيلة حرب حرب الزعامه=حرب الوفاء حرب الكرم حرب الأبطال
مسروح والإ سالم علو هامه=ياما بطون الكتب شالت من افعال
خويهم مايضام واكبر علامه=قصة نويشي باالخوي مضرب أمثال
قص اربعه واثنين يوم انتقامه=ماقال ابن عمي ولا قال ذا خال
سته وسابعهم تكدر منامه=يمناه خلا دمّها تقل شلال
وقصّة دخيل الي وفاء باالتزامه=فادى بروحه دون شريدة اعيال
والشيخ ابن ناحل بجود وكرامه=زودٍ على غنايمه حر الأموال
وكون الهميليه وكرّبة حزامه=الياء سمعت اشهودها يطرب البال
وابن دهيرم مانسينا مقامه=جدد مواقف حرب رجلي وخيال
سجل به التاريخ عز وشهامه=به كل حربي يفتخر عبر الأجيال

سلمان الحربي

الا ليت القمر يسمح لي اكتب فيه سبع حروف=على سطح القمر يقراء معانيها نظر خلّي
حروفٍ بيننا ماتنقراء لو العـباد تـــــشــــوف=الى منّه قراء رمز الرساله ردها ارسـلي
ابا اسلّي بها قلبٍ هواجيسه تجيه اولوف=وزودها جــفاء خلّـه وحطم رقمـها الـكلّـي
الا يازين ماترحم من عيونٍ هدبها سيوف=سيوفٍ تذبح العاشق من المعـشوق مـاتزلّـي
انا برمجت لك قلبي وصار اسمك نزيل الجوف=تواصى دمّي بفور الحروف ودارت بـكـلّـي
تراء غيرك اذا قفّى تراي اشوف له معـروف=لو اني عشت وحداني تراي اشوفه احسن لّـــي
تبا تدله مع العالــم وتنساني وانا المكـــلـوف=واذا قفّت بك الايـام انا وشلـون تـقبلــي

سلمان الحربي

ياالله ياالي لك مصلين وصيام
يامن له الشكوى بعشرن توالي

ارحم عبادن عزها بعز الاسلام
عجل بنصرك ياالعزيز الجلالي

اطفال يسفك دمها ضعوف وايتام
وكبار سن وحالهم شين حالي

من قال انا مسلم تصحيه الاحلام
تكثر هواجيسه جواب وسوالي

ياليت صرخة شامها بااذن صدام
والا .. عقب صدام صدام تالي

قصيدة رثاء قلتها بزميلي المرحوم /عوض فراج البدراني

حلمٍ حلمته قدر مكتوب تعبيره
عشرين ليله قدم عيني ومسهرها

عز الله انه معذبني بتفسيره
يومٍ ان الاخبارجتني من مصادرها

عوض من يعوضني به ربي الخيره
يارب نفسي على الفرقاء تصبرها

ياليت سهم المنايا صايبٍ غيره
ماصاب راسن دروب الطيب عابرها

كاسب جميع المراجل طيب السيره
واهل الكرم والوفاء دايم مسايرها

وياالله تجبر عزاء فراج وتجيره
وتجبر عزاء حرب صاغرها وكابرها

شعر : سلمان الحربي

وش حيلتي لاصرت ماانته كما الغير
ياالي بعدكم دمعتي تحت عيني

ماكني الا اطير واقع ثم اطير
من مايجول بخاطري من سنيني

ساعه بشمس وساعةٍ في زمهرير
ياضيقة ابن فطيس وينك اويني

اسير لاكن كن الاقدام ماتسير
ولا اقبل علي الليل بحت الكنيني

ضيقه وتشبه ضيقةٍ حزّة اعصير
حزين وابن فطيس مثلي حزيني

ولا واهنيك با الجناحين ياطير
لاضقت تاخذ باالسماء جولتيني

شعر : سلمان الحربي

وجهت قصيده للشاعر لافي الفهيدي
عندما تكرر الخطاء تجاهي من احد الزملاء
وانا اشرَه واشرّه وقلت :


رجلٍ ماقدر جيّتي يا بوسلطان

استاذنك واستاذن الطيبيني

ياما تجاهلت الخطا منه من شان

مقدار ربعٍ جعلهم سالميني

وسيفٍ يغيب بساعةٍ علمها بان

لابارك الله فيه لوهو ثميني

وانا يميني شالت السيف شامان

فيما مضى واليوم تسلم يميني

لاجيت اسنّدها على ضلع ورقان

والله لا اسدّ الباب في كلمتيني

و ارفع قواعدها دلايل وبرهان

عمله بعمله كاش مافيه ديني

وهداج تيماء يارده كل ظميان

ماحدن نقص من ماه طول السنيني

ماندرّج الظّلّع ولا نقود عميان

خلاّقهم سبحانه العالميني

و الدلّه الصفراء و لا هي برسلان

حلفت يا فنجالها مايجيني

لو ان حمستها من البِنّ خولان

خصيت ماعميت ياالسامعيني

وما قل دل ويظهر الحق ميزان

في مجلس اشيوخ الوفاء الغانميني

ءءءءءءءءءءءءءءءءءءءء سلمان الحربي

اشوف فيض الغيض بالقاف مليان

واصد واسلى عنه لوهو يبيني

مابيه لو انه يبيني على شان

مكارم الاخلاق يالعارفيني

احين ياتين من افلان وافلان

شين يجرح فطر المسلميني

ادفع بلا سيه ياسلمان بحسان

واجنب الغاوي عسى مايجيني

واحين تاتي هفوتن من فم حصان

سليل مجد ومن مكاننا حصيني

ماهي نتاج احقاد من قلب ولسان

اشوف في وجهه ندمها بعيني

لاكنها رميه على غير نيشان

واهل اسود اتبين لوهو دفيني

وانته وريث امجاد ياطير حوران

تعرف مداها منت والله ادويني

ان كانها من قلب حاقد وبلشان

العفو والا الذنب للمذنبيني

ءءءءءءءءءءءءءء رد : لافي الفهيدي