الاخوه الاعضاء هذه قصيده تعبر عن نفسها
لكلمة شقيق الشعب قيمه ومقدار =مثل المزون اللي تبل المعاطيش
كلمة صدوق ولا عن الصدق معذار =واصدق صدوق من البشر صفوة قريش
وتناقلتها اصدق قنوات الاخبار = الا قناة العالم تحط تشويش
حاكم بلد مسلم وعادل ومغوار = واخوانه احرار الرجال المداغيش
واللي يسافر في بعيدات الاقطار = حتى ايش من مايشوف بالكون حتى ايش
يشوف فضل الوالي اللي حمى الدار = والنعمه اللي في وطنا بها نعيش
ارض الحرمين اشرف بقاع وديار= وترابها من يد محتل مانيش
فيها المواطن ماشكى غبن وامرار = وما طاع بالحاكم هروج الدراويش
بامن ورخا من وين ماوجه وسار = يشرب وياكل مهتني باطيب العيش
ممن على الخمس الضرورات وان صار = عافاك ربك وش تبي غيرها ويش
لاصرت ماتخطي ولاتسبب اضرار = محد يتعرضلك ولا يقول لك ليش
حر وتجي وتروح من ضمن الاحرار = وفي حكم شرع الدين مابه بخاشيش
والفضل لله ثم للعاهل البار = اللي موحدها على الخيل والجيش
والخير في كل القبايل والاخيار = اهل المواقف مبعدين المطاريش
28-05-14, 09:36 AM
لكلمة شقيق الشعب قيمه ومقدار
العرض الشجري