( بيني وبين النّفس قام التّحدّي )

/
/
/
/
/
/
/
/
/
/
/
/
/
/

صدق الحديث اللي على جنّد الارواح=مروي عن اللي لرّساله مؤدّي
شيّ إيتنافر مايوالف بالاصلاح=وشيّ إيتوالفّ بالشّعور المبدّي
وآنا حصلّي تجربه مابها ارباح=وآمنت به ساعة لقيته معدّي
غزال عينه لحظها يطلق ارماح=ودّي على ودّه وودّه بودّي
حاولت اخفّي واثري الشّوق فضّاح=وهو لكشف امشاعره مستعدّي
سحب التّوافق بيننا برقها لاح=لاردّ له يدّه ولايردّ يدّي
لطيف مغري طيّب القلب مزّاح=ويقول ياعمري ويابعد جدّي
لاكنّها لحظه من اوقات الافراح=فزياره لطيبه بعدها يشدّي
من بعدها ماعشت الايّام مرتاح=حالي من الهجران زادت تردّي
سبّة شجوني والنّدامه بي اسلاح=والعقل ينهاني ويعجز يهدّي
انجيت ابسلا ردّني شوق ذبّاح=بيني وبين النّفس قام التّحدّي
لوانّ الم نشرح بها اتزول الاتراح=ولحظة قرايتها همومي تخدّي
لاكن مكانك لاشرقت شمس الاصباح=جدّد لي الذّكرى بقوّ التصدّي
ياصاحبي بعدك عطيبات الاجراح =يالمعدن اللي ميزته مايصدّي
لاطعت للواقع ولاطعت نصّاح=وراع الهوى مافاد فيه المهدّي

الشّاعر / خالد بن عبيد بن معتوق ألأحمدي