هاذي هي قصتي

هذه ابيات ولو انها قليلة لصعوبة قافيتها
وذلك لحبي للقافية الصعبة احيانا
ارجو قبولها ولكم جل احترامي

غيم سمانا ولطف جونا واعجبني الجو= غيمِ ليا حان يغنينا عن المجلاس في الفي
لاهو بظلِ عميق ولاوهج شمس لها ضو= حال وسط بين ذاك وذا جماله ينعش الحي
وهب النسيم العليل اللي من الاكدار يخلوا= انسام من طيبها تغني عن المأكول والمي
وتراكم السحب يمشي في تزايد مبدأ النو= وبدا رذاذ المطر ينزل فالارض شوي بشوي
وخرجت فرحان مثل اللي خرج من غرقة السو= نشوة فرح ريحتني من همومي شي مع شي
وجلست انا في الفضاء والجو بالتدريج يحلو = لحظة سعادة وبهجة والاوادم رايح وجاي
وقضيت رحلة جميلة يومها ماقلت لو لو = ناسي همومي وغمي كلها طويتها طي
وعند المساء جيت بيتي والعرب لبيوتهم جو= وصوت الرعد دن والبراق له وسط السما ضي
هل المطر والشجر بعد المطر يزهو وينموا= والارض بعد القحط شربت بللهاوارتوت ري
هاذي هي قصتي وانا لكم قصيتها تو =واقول ليتك معي في حينها ياخي ياخي

كلام رووووعة
يسلم ذوقك

	المشاركة الأصلية كتبت بواسطة تكفيني الذكرى

	كلام رووووعة يسلم ذوقك

شكرا والروعة في مرورك
تحياتي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

حياك الله
صح بدنك وطال عمرك
شكرا وتقديرا

الشيخ والشاعر
حسين مريع العبيدي
صح لسانك وعتلا شانك

	المشاركة الأصلية كتبت بواسطة سعد المحمدي

	الشيخ والشاعر حسين مريع العبيدي صح لسانك وعتلا شانك

صح بدنك وطال عمرك
شكرا وتقديرا

صح لسانك يابوماجد

صوره شعريه رايعه

	المشاركة الأصلية كتبت بواسطة ابوهليل

	صح لسانك يابوماجد صوره شعريه رايعه

صح بدنك وطال عمرك
شكرا وتقديرا

صح السانك وموفق ان شاء الله