الفكر طيرن ماتغذى بالحبوب ولا يموت الا بعقل مكبله

(





)

راع الفكر لو مات فكره مايذوب
الفكر يبقى والعقول بتنقله

الفكر طيرن ماتغذى بالحبوب
ولا يموت الا بعقل مكبله

والجهل بالدنيا ترى دمر شعوب
بعد اقتلوا بنت الفكر مستبسله

لا تسير فالدنيا مسارات اللعوب
درب الوفا راعيه دوم يجمله

والناس لو تمدح كثيرين العيوب
مازودوا في قدرهم والمنزله

الطيب افعاله ترى مهر القلوب
بين الحنايا بيته اللي ينزله

النفس لا تخالط نقاها مايشوب
الناس ماتقرب دلال محثله

الوقت لا هدى تحسى للهبوب
العاصفه لو كان غابت مقبله

دنياك مثل الشمس في حزة غروب
والفايز اللي زارعن له سنبله

يلقى محاصيله مع رب الغيوب
في دار عدلن مابها من مهمله

أحمد الخواري

الحر الاشقر
صح لسانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

بسم الله الرحمن الرحيم

	المشاركة الأصلية كتبت بواسطة سعد المحمدي

	الحر الاشقر صح لسانك

مرحبا اخ سعد
صح بدنك

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك ارحب