برقية للشيخ حسين بن مريع العبيدي

يانجم ياللي لاهل وادي الفرع تسري=وصل لكعامة العايل تحياتي
واقلط على شيخ له عند العرب قدري=ربعه رجالٍ لهم في العز صولاتي
وغني قصيدي على المقرون والحدري=واعطيه خطي وقله يقرأ الاتي
ياشيخ من جور مابي ضاق بي صدري=الناس تغفي وانا سهران ماباتي
صياد يابن مريع صادني عفري=وانا الذي لا رموا مخطيت رمياتي
نيشن وفرع وسدد فرده لنحري=باروده الدعج ورموشٍ طويلاتي
فيه الحلاوة تهيجن ول ياكثري=ياعل كل البنات لزيني فداتي
رفعت انا الرايه وسلمت له امري=وطبيت بحر الغرام وموجه العاتي
واليوم خلي هجرني ليه انا مدري=اقفى وعقب لي جروحٍ عطيباتي
ياكيف يابن مريع جاز له غدري=وانا معه دايم فعولي وفياتي
عايش على الجمر بل واقسى من الجمري=اخاوي الهم وعيوني سهيراتي
لاجيت اباكتب قصيدي ماكتمل سطري=حتى حروفي على سطري عصياتي
اضحك مع الناس مير الناس ماتدري=اهرج واسولف وانا في الداخل شتاتي
كيف البصر يابو ماجد تاه بي فكري=ازريت احصل لاسئلتي جواباتي
وختامها لك سلامي ياسند ظهري=ولكل حربي سلامي واحتراماتي
من ولد حربي ومربى ذا الولد عمري=الخيل والهيل والبارود عاداتي

خالد بن سعد الحربي

الشاعر
خالد الحربي
صح لسانك وعتلا شانك
قصيده جزله
والشيخ والشاعر الرااااااائع
حسين مريع المعبدي شاعر غني عن التعريف
ومن المؤكد نسمع رد رااااااااائع

ابن عمي واستاذي سعد المحمدي

صح بدنك طال عمرك وشهادة افتخر بها من قامة مثلك

ونحن تلاميذ في مدرستكم

شاكر مرورك استاذي الغالي

صح لسانك يابن نامي
وبانتظار رد الشيخ الشاعر سليل الامارة والزعامة والكرم والنخوة والجود الشيخ حسين بن مريع العبيدي

حيا الله ولد العم الفسقان

صح بدنك ياولد العم وشاكر لك مرورك الجميل

تسجيل تواجد في منبر الجزاله
صح لساانكـ
بيض الله وجهك

ابن عمي الحبيب الحب الباقي

صح بدنك وماعليك زود

اسعدني مرورك

صح الله لسانك
ولاهنت
وسلم فكرك وبنانك
دمت برعاية الله وحفظة

ولد عمي الغالي فهد

صح بدنك يابن غانم ولاعليك زود

ولاهان غاليك والشر مايجيك

شاكر لك جمال مرورك يابن العم

صح لسانك وسلم بنانك



قصيدة رائعه بروعة حضورك



لك تقديري