اليمين الغموس

.

ترى الجهل عدو الإنسان ي إنسان=وأنا من أيام الجهل ,, لي دروسي
رد الخطأ ما هو خطأ .. .لو غلطان=أكبر خطأ فالكون ،، خبث النفوسي
ماهو خطأ ردة فعل شخص ... زعلان .. =خطأ دبير أنذال ،، فعل النجوسي
ماني نبي.!؟. أخطي أنا كيف ما كان=وأنكر على نفسي ,, وأمحص هجوسي
إما عرفت أخطاي ,, ما بعدها ،، هان=ولا عرفت إني بخطاي ... إمحيوسي
وإن بان لي وجه الخطأ ،، أقر قنعان=وأخشى من الله واليمين الغموسي
ترى إعتراف الحق في كل الأديان=مثل فضيلة ,, موس ... من فرع روسِ
دين النصارى .. واليهودي .. والإيمان=ودين عُبَّاد البقر .. والمجوسي
ولو قلوب الناس تشرى بالاثمان=يغلونها الحكام وأهل الفلوسي
هذي تراها من وصيات لقمان=إلبس من الأخلاق زين اللبوسي
وصيةٍ تجعلك بالناس سلطان=يلهم معانيها ذهين الحسوسي
وغلطان أنا في كل ما قلت غلطان=لا صار تقراني بنفس العبوسي

وسلامتكم

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

ومن قال سالم و غانم

صح الله لسانك

قصيدة رائعه بحق

تحياتي

صح لسانك وعتلا شانك

تحياتي وتقديري

لاهنت وصح السانك

تقبل التقدير والاحترام

وفقك الله

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

إبداع من شااااعر الابداع
ولايستغرب هذا الابداع من شاعر بحجمك
وموهبتك الشعرية .... صح لسانك ملايين
وتقبل تحياتي

صح لسااااانك مليووون وبيض الله وجهك

قصيدة جزله في غاية الروعه والجمال والابداااااع

الله يعطيك العااااافيه دمتم ودام ابداااااااااعك

ودي واحتراااااااامي