0ياغايبه0

0ياغايبه0
شعر : سعودبن عبدالله المبيريك

البارحه ضاقت علي الوسيعه = كني بسجنن مظلماتن مبانيه
مثل الذي فجئه جرت له فجيعه = على وحيدن غايبن عنه يرجيه
اليا حبس دمعه عصى مايطيعه = اليا جاه من ربعه رفيقن يعزيه
حزني مثل حزنه عجزت استطيعه=اليا حبست الدمع فجر مجاريه
كنه مطر ديمن غزيرن جميعه= رش اوله يجي مثل رش تاليه
حزنن قديم وحزن قبله طبيعه= وحزنن جديدن تو بانت مواريه
حطم احصون القلب قبل المنيعه=وجرت وراه جيوش الأحزان تتليه
رحلة شقى بين الوصل والقطيعه = من اللي تبيع القلب مره وتشريه
ياغايبه والقلب عندك وديعه =مدرى وش الله فيك سوى ولا فيه

صح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ يابوعبدالله....
هذا ماعودتنا عليه الجزله من راعيها
اخيك ابوروان

الاخ الشاعر سعود المبيريك

صح اللسانك وعلا شانك

والله ثم والله ان شهادتي بشخصك مجرووووحه

وكل ماوجت قصايدك وقراتها لاادري كيف ارد عليها لاني
اجد كل العبارات لاتفيك حقك
ولكن لااقول الا انني سعيد وفخور بك كل الفخر
ولاعدمناك يالبناخي

صح لسانك يابوعبدالله

جزله ورائعه كما عودتنا

يعطيك العافيه

صح لسانك على هذه القصيده الرائعه
الله يعطيك العافيه

صح لسانك ..

قصيده رائعه واحساس اروع ..

أسجل اعجابي

ويعطيك العافيه ..

قصيده رائعه واحساس اروع ..


ويعطيك العافيه ..


صح لسانك

	صح لسانك وسلم بووح يعطيك العافيه اخوي الشاعر الكبير سعود المبيريك