من أروع المحاورات الشعرية لصياف الحربي

* الهاب الحربي:=
يا السحيمي ترى بيني وبينك حدود =كل واحد على حده ويرجـع وراه
انت حدك من أطراف القصيم وتعود =والوسيدي مسك حد الشمال وحماه
* صياف الحربي:=
انتبه للجمـال تسـوق ولا تقـود =كل جمال يأخذ بندقه مـع عصـاه
حدي الشام والبصرة وعندي شهود =وانته احفظ كتابك والقلم والـدواه
* الهاب الحربي:=
لا تضيع العلوم ولا تبيح السـدود =سوقها لين ياصل علمنا منتهـاه
ما يقضي نهار الكون غير الشرود =كل ما كبرت الهوشه عطاها قفاه
* صياف الحربي:=
امش يالهاب والهب والركود الركود =وانتبه للفقير اللي غضب عن عشاه
وامسك الأرض يالين المسافر يعود =والبنادم الياجاب العشاء ما عـلاه
* الهاب الحربي:=
يا مدير الخزانـة لا تـروح النقـود =في نهار يصير الفقـر مثـل الغنـاه
جيت أبا أزعل على صياف والياه عود =مير قولوا لبن عواد يصلـح خطـاه
* صياف الحربي:=
فيه ذيب يغير وفيه ذيـب رقـود =وانت حط العشا بالقدر قبل اتغطاه
ليلة السبت تنظر في شرار الزنود =والحقيقة لبست الثوب فوق العباة
* الهاب الحربي:=
الذيابه سوا من عصر عاد وثمود =غير واحد سنونه طايحه من جماه
حرب دايم علمها فوق راس العمود =اذهن الداب يوم انك قلبت الحصاة.
*صياف الحربي:=
الرجال الكبار تحـك عـود بعـود =وانت مدري تحك العود والا اللحاه
حرب قوم الحرابة قبل عشرة عقود =دارهم ما يموت ولا يظلـم سمـاه
* الهاب الحربي:=
الرجـال الكبـار مقيـده بالقيـود =مير صياف ابن عـواد هـذا بـلاه
بعض الأيام بيض وبعض الأيام سود =وانت مدري تحب الموت والا الحياة

الاخ محماس الحربي

لله درك

وبيض الله وجهك

ومشكور ماقصرت الله يعطيك العافيه

محاوره من اروع المحاورات صح الله السنتهم

تقبل تحياتي

ودمت بخير

بيض الله وجهك على الملعبه الرائعه

والله يعطيك العافيه على المجهود الكبير

اتمنالك التوفق

اخيك ابوروان

الاخ محماس الحربي

ماقصرت يالغالي

بيض الله وجهك

تحياتي
الصـ الجارح ـقر

صح ألسنت الشاعرين
صياف الحربي
و
لهاب الحربي
و مشكور يالغالي

و صراحة أن الشاعر / لهاب الوسيدي مظلوووووووووووم إعلامياً

يعطيك الف عافيه اخي محماس الحربي

مشكور وماقصرت على النقل الجميل

تحياتي وتقديري
عاشق بريده

يعطيك العافيه اخي محماس الحربي

وبارك الله فيك على المجهود الكبير

اخوك
سلطان

الله يـعـطـيـك الـعـافيـــــــــــة


اخـوك الـحـب الـبـاقـي


دمت بخير

صح لسان الشعراء

ومشكوووووووووور على المحاوره يالغالي

صح لسان الشاعر الكبير صياف الحربي

بارك الله فيك على النقل