ديوان الشاعر سالم البشري

يقول سالم البشري

قلبي وقف في مهب الريح= في يوم هبت به الحايه
كل مامشاله قليل يطيح=قدام لاياصل الغايه

والرد من الشاعر ابن مسعود

ما فيه واحد يعيش مريح=لو يلبس السيف و الصاية
المشكلة ما هنـا تشليـح=و كلّ(ن) يبي يرفع الراية

وجى الرد من الشاعر سالم البشري

هيا استمع وافر التوضيح=خل القطع عنده كفايه
لو يلتقي له طبيب يبيح=يلقى بعد طيحته عنايه

وفي بعض مساجلاته مع الشعراء

سـلام سالـم ومـعـذاره=ياملتقى حـرب والتقديـر
من صافي الطيب وا زه=ارهيبغى السموحه على التأخير
ترحيب غايب بحضـاره=ياللي حضرتو بلا تقصير
الملتقى هلـت انـواره=والعذر مقبول بالتقريـر
عسى البقا واسمع أخباره= وارجوك توك عليه شير
قلب العنا صادف أخطاره=واشغللي البال بالتفكير
يا مرحبا هيـل مـدراره=ترحيب من صادق التعبير
والذيب لا غاب عن داره=لابد ما يبـدي التبريـر
للملتقى وكل شعاره=عسا البقا والجميع بخير
مايدري إنه قبل زاره=يامن يبا يسمع التحرير
يا سالم النفـس أمـاره=حذراك قبل المسير تسير
ومـا دام الأيـام دواره=الله ليا ما أُستخار يخير
أعطاك يالافي أخباره=ماوده إن النفوس تحير
وان كان لك نفس فالداره= ذالحين معكم ندق الزير
ماني عمى ارعي الشارة=وبين العرب قيده وآمير
وخل الحطب تشتعل ناره=واللي يركب جناح يطير
ونعم واعدك من كباره=هني وهناك لك تدبير
وانا معك رافع شعاره=وقدامنا مايطير الطير

في مجاره جميله مع الشاعر الصييفي

سلام منطوق ومترجم=من بال صافي لأهل القيل
بحروف مكتوب فالمعجم=باسمي على النت والإيميل
مرسول لرموز كالأنجم=مع وافر الود والتبجيل
كيف أصبح الكنز والمنجم=أحلام مثل الخيال تزيل
يا مرحبا فيـك يـا مسلـم=ترحيبة(ن) ما تبـي تعليـل
عساك يا صاحبـي تسلـم=من حملة الغش و التضليـل
مرسولكم وصل، و انت أعلم=باللي حصل ساعة التخليـل
الكنـز ر اح بمسـاً أظلـم=باقـوه، ويـرددوا التهليـل
عسا البقا وكلكم ونعم=نفرحبكم يارجال القيل
من شارك أمثالكم يغنم=الطيب يلقى مع التكميل
وللآن مقصودنا ماتم=يامباشر القيل بالتحليل
العرف مطلب لنا منهم=اللي نظرنا لهم بالحيل

وفي مجاره مع الشاعر الرائع منصور ناصر المعبدي

سلام أثمن من الألمـاس=ومن كل الاحجار والزينه
فاعلام معلن لكل النـاس=وينقل بالاقمار في حينـه
بأقلام كتبن على مقيـاس=في فصل الاشعار بانينـه
إلزام نوزن لفرع وساس=مجمل فالاصـدار تقنينـه
فانغام يذعن لها الاحساس=ماتمل الاوتـار تلحينـه
نظام أهلن رحب نوماس=باالفل وأزهار حاسينـه
اكرام آمن من الا فلاس=من دل الأخيار مقرينـه
ووسام يالكابتن النبراس=تقبل ومقـدار مهدينـه
الهام يرطن به الهوجاس=مايزل في يسار ويمينـه
مادام دندن لنا المرواس=نأمل في مشوارباغينـه

له قصيدة رائعه بإسم (تهاني قلبية )هذه القصيدة بعنوان تهاني قلبية أهديتها للعريس هاني زامل محسن بن عواض البشري ليلة زفافه يوم الأربعاء الموافق 26/1/1428هـ والذي أقيم في قصر أفراح الأندلس بالجموم
سائلاً المولى جلت قدرته أن يمن عليه بالسعادة في حياته الجديدة

ياالحروف الأبجديه حققي غاية مرامي=وخـطـي فبيض الصحايف من تعابيرالغلا
فالقصرروحي لهاني واسبقي والقي سلامي=لـه ولاهـله ولضيوفه رحبي وقولي هلا
وسمعيه أصداء صوتك لانطقتي بانتظامي=وسمعي حضار عرسه وشاركيهم بالسلا
وعبري له بالأمانه عن موده واحترامي=له تخصه وسط قلبي حطـها رب المـلا
وترجمي صدق المشاعر وانقليها بالتمامي=خـلّي أفـراحه سعـاده وزوديها بالحلا
غردي بصوت البلابل وهادلي مثل الحمامي=ورفرفي فوق الروابي وانشدي لحن الغلا
وانثري عطور الموده لهاني الشاب العصامي=وباركي له ولعروسه والأهل بالأجملا
واجب لبيت الجمايل واهله الناس الحشامي=واجب نرد الجميله وسط هذا المحفلا
بيت ابن عواض سيره مصوره دايم أمامي=عشتها أيام وأشهر يوم حظي اعتلا
آ نا عشت الطيب وسطه مشاهد أفعال الكرامي=بالوفا والود عامر من ضيوفه ماخلا
يرحم الله محسن اللي أسسه خلاه سامي=شامـخ البـنيان ثابت دوم ناره تشعلا
صدقوا قولي حقيقه واضحه واثبت كلامي=والشهاده ماتغيرها سنين الحق ماتجهلا
ارفعوا لربي يديكم واسألوا رب الأنامي=يجعل العرسان دايم في سعاده في علا
كلكم صلوا على محمد نبيه فالختامي=وشكر سالم فالنهايه للحروف موصلا