خاطرك لأبدالك سبب إنزعاجه

،،

خاطرك لأبدالك سبب إنزعاجه=اشرح له عما تواجهه وانت مبهوج
قل لا يفاجئك الزمن بـارتجاجه=الوقت ذا طبعه على الطُلق والعوج
خلك صريح وخبره وش نواجه=وتبرأ أمامه من خطأ كل مرجوج
قل كم نقابل من صعيب انتهاجة=ياتحرجه ولا تبي تصير محروج
إن جيت تعذِلْ .. يمنعك إنحراجه=وإن جيت تصبر.. حطك إنسان مفلوج
أريا جميع مخالفينه سذاجه=أقرب قريب إله يماريه ؛ محجوج
وكل حال لو أزعجك وتبغى علاجه=إن كان جاتك مرج فـاللغير بسروج
والخلق واجد وكل حي ومزاجه=ويكفيك عن تعداد الأطباع مازوج
بالفكر كل حيٍ يكسر خراجه=والفكر منسوجه كما الشعر منسوج
إصطف خليلٍ مايحب اللجاجه=ويصير لك قيمه ومنزل ومنتوج
أول علاماته طليقٍ حجاجه=يربأ بنفسه عن فكر كل مسموج
وان كان مالك بالصبر واختلاجه=ترى لذِيْ ومثلها خِلقَت افجوج
ومن هو بلا ميصال طافي سراجه=يبقى فّحِلْ من الخطأ والتمحروج
يمكن تجيه وعنده ماأنتا بحاجه=وحنا نجيه ونروح ورقابنا عوج

وسلامتكم

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك
وكل عام وانته بخير

صح الله لسانك
ولاهنت
وسلم فكرك وبنانك
دمت برعاية الله وحفظة

كل عام والجميع بخير وعساكم من عواده

صح السانك ودام عزك وبيض الله وجهك

قصيده في غاية الروعه والجمال الله يعطيك العافيه

دمتم على العز والتقدير