هذا ردي على الشاعر الحميدي الحربي

جـــــــــــاني كـــلام دق بالقلــــــب ناقــوس = واحيـا طواريـــق جديـــــــده ودراس
وامسيت فــي جــوٍ مـــن الحـــزن متـروس = مستبشــرٍ بالخيــر والبـــــــال منحاس
مــن شاعـــرٍ شعــره بالاعمـــاق مغــروس = قطع الذهب ما هو صدى شن ونحاس
معناه فــي رمــز الادب تــــاج عـــــــروس = نقشٍ مـــن العسجــد تزيـن به المـاس
حســاس والمعنــــى بالامثــال محســــوس = يجلي عـن الخاطر صدى هم وعمـاس
يا أبو حمـــد وضــعٍ مقـــدر ومــــــدروس = نتيجـــته للــــي سعـــى فيــــه نبـراس
الطـــــب ما يقــــوى علــى كــــل فيـروس = وبعـض القلـوب جروحها مالـها قياس
وقـــت تغيــر والحريــر انقلــب عــــــوس = وضاعت مواقف لابس الدرع والطاس
تخاشــروا بالـــزاد مسلـــم وهنــــــــدوس = ولا اشوف انا من بين الاثنين وسواس
وان كان تشكي ضرس ابطى بـه السوس = يامــا علــى غيـرك غرابيــل واتعـــاس
مـن قـبل شرهتنــا علــى باري القــــوس = واليــوم دونــك بـاري القـوس ســواس
المعضــلات كبــار والوضـــع معكـــــوس = وش حيلتـي والشعــر حبــر بقرطـــاس
مــا ودي افتـــح للــغى سمـع جاســــوس=ويصبــح حديــث بيـــن حاقــد وبـــلاس
لكـــــن عــــزاك اليتــــولاك كابــــــــوس = مــــا دام للــــحوزة فضيــــلة وحــراس
حـــراس مـن صفوة سلاطين وحبــــوس = مـــن هــازهم فـي خف الاقــدام ينـداس
بظــلالــهم عاشت ســـراحين وتيــــــوس = حتــى تســاوى منـــزل الذيـل والــراس
مــا عـــاد بــــاق لحيـــة تنـطـح المــوس = كـل اللـحى صارت تحـت موس هــلاس
جوهر غالب الحربي=

صح السانك لاهنت ولاهان منطوقك
نص جزل لاشك

الشاعر الكبير : جوهر العلوي

صح لسانك على هذه القصيدة الجزلة بجزالة شاعرها

و الحميدي بن نفجان شاعر جزل و لايختلف على شعره اثنان

مشكور و بانتظار جديدك لأن الملتقى يفخر بشعراء مثلك و شرواك

و انت تعتبر مسكب للملتقى

--------------------------------------------------------------------------------
صح لسانك لاهنت ولاهان منطوقك
نص رائع

صح لسانك ياذيبان


قصيده جزله واحساس راقي


سلمت ولاهنت

تحياتي

تسجيل تواجد في منبر الجزاله
صح لساانكـ
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

	صح لسانك __________________ «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®» __________________

الشاعر القدير جوهر الحربي
صح لسانك قلت فاجزلت بيض الله وجهك

اخي القدير/ الشاعرجوهرالحربي

صح لسااااانك مليووون وبيض الله وجهك

قصيده في غاية الروعه والجمال والابداااااع

يعطيك ربي العااااافيه دمتم ودام ابداااااااااعك

ودي واحتراااااااامي