رحلة عئليه الى النعيريّه

رحلة النعيريَّه

من صبح ربي ركبنا للنعيريه= شايل معي كل نشميِّن و مزيونه
عندي، و كلّن له قياسه و عانِيِّه= مالين عيني عساهم ما يبكُّونه
سعد وليده و لا مثله حدٍ زيِّه= الى نخيته عسى الرّديان يفدونه
يجي على حروتي و يزود ببليه= يا حظ من في علوم الطيب ينخونه
و معنا ام "حجّاج" هذيك السنافيه= سفيرة الحب في قلبي و "أيقونه"
و هذي ام "عيّوض" يا طيبه و يا حيّه= العقل و الثقل هي بيته و ماعونه
و في خافقي صار لام "سعود" ماريه= دافي غلاها يمشينا بقانونه
من حب ابوها لها و اخوانها طَيَّه= في ثومة القلب محفوظه و مصيونه
و ربيع قلبي و نوّاره بوسميِّه= رفيقة الدّرب في مسراي و لحونه
هذيك "هِيَّه" عسى ما اعدم حراويِّه= بيتٍ تديره يعم الحب بركونه
ما ترفع الصوت، لا قشرا و لا عَيَّه= حتى و لو شافت الميلات بعيونه
حبِّه بقلبي عقد ليَّـه ورا ليَّـه= لو يجتـمع كل خـلقه مــا يفكّــونـه
و عيالنا اللي تركنا ما بغوا جَيَّه= غشّاهم النوم هذا الصبح بردونه
الله يديم الامن بارض "السعوديّه"= و يبعد عَنِه شلّة التغريب و جنونه
و يكفي الوطن شَرّ ذولاك البطينيَّه= اللي تربّوا على خيره، و يشنونه
و يكفيه من شر جيرانه هل السيَّه= اللي تولِّع بنار الحقد غليونه
عبادة النار و احفاد المجوسيّه= يسعون للهيمنه و اهل الوطن دونه
و يكفيه من شر تغريدة ضلاليِّه= اللي بثوب الورع صاروا يختلونه
و لانيب ناسي بني "لبرال" في غيِّه= اللي على كل دربٍ شين يعطونه
يبغون تحرير حوّا لكن امعيّه= ما دام هي في عفاف الدين مقرونه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

بوح أسري أسر سلمت
على هذا الطرح..

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك يا رابح الجحدلي

عافاك الله

شرّفني حضورك

	المشاركة الأصلية كتبت بواسطة تكفيني الذكرى

	بوح أسري أسر سلمت على هذا الطرح..

الله يسلمك يا تكفيني الذكرى

شرفتني بمرورك

و معنا ام "حجّاج" هذيك السنافيه= سفيرة الحب في قلبي و "أيقونه"

و هذي ام "عيّوض" يا طيبه و يا حيّه= العقل و الثقل هي بيته و ماعونه

و في خافقي صار لام "سعود" ماريه= دافي غلاها يمشينا بقانونه

من حب ابوها لها و اخوانها طَيَّه= في ثومة القلب محفوظه و مصيونه

و ربيع قلبي و نوّاره بوسميِّه= رفيقة الدّرب في مسراي و لحونه

هذيك "هِيَّه" عسى ما اعدم حراويِّه= بيتٍ تديره يعم الحب بركونه

ما ترفع الصوت، لا قشرا و لا عَيَّه= حتى و لو شافت الميلات بعيونه

حبِّه بقلبي عقد ليَّـه ورا ليَّـه= لو يجتـمع كل خـلقه مــا يفكّــونـه

و عيالنا اللي تركنا ما بغوا جَيَّه= غشّاهم النوم هذا الصبح بردونه

الله يديم الامن بارض "السعوديّه"= و يبعد عَنِه شلّة التغريب و جنونه

اللهم ااااامين والله يحفظ لكم من ذكرتم وقصيدة عايلية
وتدل على طيب النفس والحس الابوي الله يحفظك لهم
قصيدة استشعرنا منها الجو الاسري الله لايفرق شملكم
شاعرنا القدير
وصح السانك
(وهنيالك ام سعود مابعد ثومة القلب مكان ما شاء الله)

الله الله عليك يالصييفي ..
قصيده طيبه ورائعه وجميله الله لايغير عليكم هالوناسه
ويجمعكم يارب على الخير والطيب ولايفرقكم ابد ..

صح السانك اخوي,,,

,,, قمة المعنى,,,,,,,
,,,,,,,,,,,,,,,,,,,

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك وسلم بنانك وبيض الله وجهك

قصيدة في غاية الروعة والجمال الله يعطيك العافيه

دمتم بخير