((أن كان لك عندي غرام نسيته ))

بسم الله الرحمن الرحيم



السلام عليكم ورحمة الله وبركاته :



اليوم أعود ل أحبابي جميع الأعضاء هنا وأعتذرمن الأخوه الكرام أعضاء الاداره ..



عن التقصيرفي الفتره الماضيه وان شاءالله يكون التواصل بدون انقطاع ,,, وللجميع شكري وتقديري



وأتمنى أن تكون قصيدتي بقدر ذائقتكم للشعروتليق بالملتقى الذي يحمل أسم قبيلة حرب العزيزه .





عزيت نفسي عن مذلــــة عتــــــــابك



لوالثمن جرح الخــــفوق أرتضـــــــيته



خلاص انا عزمــــت ماقف ببـــــــــابك



وأن كان لك عنــــدي غرام(ن) نسيته



ماهمني فرحـــــة عذول(ن) وشــا بك



ولاردلي حــــــبل الوصل ماخذيتــــــه



يابنت اناجيــــــتك أعزي جنـــــــــــابك



حــــــقك علي عقب المفـــارق وفيته



لومي عقب ماصار طــــاغي شبـــابك



وغرورك اللي ماأطــــوله لومشـــــيته



العشــــق ماهولك وقلبك غـــــــــدابك



ضيعك عن درب الـــــــــهوى مالفيــته



هذي الحقيقه عظــــم الله مصــــــابك



حاولت أدور لك عــــذرمالقــــــــــــــيته



تأملي وأبكـــي على من شقـــــــــابك



عسى الدمـــوع تخفـــف اللي شكيـته



عثربي الحــــــــــــظ الردي يوم جـــابك



لاحساس ضامــــــي للأسف مــارويته



لحظة وداعـــــــــك جيت أضمد صوابك



لأجل الوفاء والأ الأمل مارجـــــــــــيته



أحكي على ذكــــــراي قصة غيــــابك



يمكن ضميرك يستفق من مبيـــــــته



راحت سنيني ياالغـــــلا في عـــذابك



والله يعـــــوضني خلف ماجنـــــــيته




وللجميع التحيه والتقدير .. أخوكم / فهيد النماصي الشمري (ولدشمر) .