باقي على عهد المحبه؟........................................... . ...

ماهمني من نسق الحرف رده =ماهمني غير انت يامالك الروح
بد الشعور الي سكن فيك بده=وطعن بقلبٍ من غلاك انت مذبوح
زِيد الالم لو زاد من فوق حده= مادام منك ماشكيناه بالنوح
تدري بوده كيف وشلون وده=إنه عطاك من الغلأ كل مسموح
باحساسه الصادق وفاء لك يمده=مايرتجي من مدته اي مصلوح
باب الهجر لو فك عنك يسده=لو كلفه فيه الثمن قلب مجروح
يقبل بها والكايده ماترده=لانه وفاء منه الوفاء صادق البوح
خلك ياروح الروح لوغرق خده=من دمعةٍ عندك خبرها ومشروح
باقي على عهد المحبه وسده=مابيحه والعلم لو مات مايبوح
يرجح بعقله كُل مازاد شدْه=متمركزٍ في موقعه عالي صروح
حتى الرياح العاتيه ما تهده=باقي مادام النفس تذرى بها الروح
قلبي صدوق ولاطرا يوم صده=ما ود غيرك لو راى بارق يلوح
ياكثرهم لو الامر فيه عِده=لاشك ما ننظر لهم وين منروح
العين طرفا والمشاعر مصِده=والقلب ماهو لطواريش مفتوح