تبغى تصيف بين باريس وجنيف - وانا لهيب القيظ في نجد اكلني

السلام عليكم ورحمة الله وبركاته ..

احد الاصحاب اتصل بي على نهاية الدراسه وسألته وين
بتقضي الاجازه وقال في اوربا طبعا الله معطيهم خير والله
يزيدهم ولاهو حسد مير الشعر احيان متنفس ..

بعد انتهى العام الدراسي وجا الصيف=غبني على مركب عذابي حملني
تبغى تصيّف بين باريس وجنيف=وانا لهيب القيظ في نجد اكلني
بين الظروف القاسيه والعواصيف=والتمر طبّاخه بقدره شملني
بلشت بالرمضا وشوف الملاقيف = اللي يجيني غصب واللي زهمني
يوم اني احاتي لبعض المصاريف=واقسم الحسبه لما كد وصلني
على سفركم والمات التكاليف = شين يروعني وشين هبلني
والموتر اللي فيه رجه وتطويف=مركون ماتقل المقربع قبلني
من عقب ماكنا بروس المشاريف=اليوم عنا يالخوي لاتسلني
الوقت مشاني على شذرة السيف=وامن الظروف القاسيه مامهلني
حتى ولانحتال مايقري الضيف=يامال فري الجيب مما جهلني
شيّبت في زهرة شبابي من الزيف=واضمرت ضيقي والحشا مااحتملني
لكن على المكشوف ياجمرة الصيف = الرزق به رب الخلايق كفلني

أطيب الأوقات ..