يا مفسّر الاحلام

يامفسر الاحلام حلمٍ حلمته=الله يستر منك يابعض الاحلام
افطرت من شهر رمضان ولاصمته=وقضيت ليله في تراويح وقيام
اليا منه اذن مذن الليل قمته=ووجهت وجهي قبل دورات الايام
والناس مدري من وقاره احشمته=والا انها من خوفها صارت صيام
يمرهم في كل عامٍ بصمته=والناس دون مصافحه مثل الاصنام
وانا مع ذنوبي معه ما رحمته=للعام الاول واللي قبله ولا العام
لا هل بهلاله على اغتنمته=وسعيت به واطفت من دون الاحرام
بين الركون الاربعة لا حكمته=صليت فرض بلا جماعة ولا امام
وجميع ما كنّه ضميري ختمته=على مسامع سامعٍ شال الاثام
وضحيت فديٍ حرم الله لحمته=لا لحمته لحمه ولا عظامه عظام
ياشيخ ما تفسير حلمٍ حلمته=اما افتني والا ترا ما اقدر انام