ديوان الشاعر(بخيتان البشري)

كثير له عقل فالرأسـي=وقليل عاقل وعنده ميًز
واللي بلا عرف وقياسي=ما أظن فالنايفة له حيًز

خالد الأحمدي=
سلا م مثل العبيـر يفـوح=للمنتـدى وكـل جمهـوره
من قلب يشكي أللم وحروح=ومن وضعه الناس مبهوره
الحزن باني عليه اصروح=يصعب علي هدمة اجسوره
اشكي لكم من هوى مملوح=في وده النفـس مجبـوره
من بعد ماهو معي مصلوح=ابليس معنـا لعـب دوره
والوضع مني لكم مشروح=حتى تكونـون فالصـوره
بخيتان البشري=
يامرحبا جدَ ماش مـزوح=والطيب مجنـاه وزهـوره
ياللي لنا يشتكي وينـوح=حسب الذي قال فسطـوره
برق الحزن في سماه يلوح=عايش معه وأعتلى سوره
اسمع كلمي بكل وضـوح=في عزها النفس معـذوره
يُما معك فالغـرام يبـوح=وألا أتركه وأترك غـروره

خالد الأحمدي=
ياجيـد الخـال ياطـيـب=في عرفكم نكسب النوماس
غالي على القلب وحبيـب=يحميك ربي شرور الباس
فيد الذي راسـه مشيـب=هايم بدرب الهوى محتاس
وشب القمر عني مغيـب=ارسلت مافادني عسـاس
بخيتان البشري=
يامن بـه الظـن ماخيـب=معروف أصله وساسه ساس
عزيـز فالقـوم ورهـيَـب=أمثالكم دوم فـوق الـرأس
الشيـب فالـرأس مايعيَـب=وبحر الهوى يغرق الغطاس
راجـع حسابـك ولاتسيَـب=وشوف الخلل وين ياقرناس

ياعين جودي علي بالدمع=هلي لأجل برتوي من ماه
خليه يجري سواقي نبـع=واعيش بالدمع في لاماه

سـلام للملتقـى كامـل=واخصكم بـه يالشعـار
الكـل بالطيـب يتعامـل=والكل وافي وله مقـدار
مكتوب قريت من جاهـل=كلام فاضي ومن ثرثـار
به حقد في داخله شايـل=والا حسد يشتعل به نار
الذيب ما يتبـع العايـل=والصرح شامخ ولا ينهار
واللي معه فكر به مايـل=يبعد عن الدار وأهل الدار

خالد الأحمدي=
به مركبه فالوكاله ذيك=ماجرب الخط بستمهـا
معروضه إيجار بالتمليك=واسمع فتاوي تحرمهـا
بخيتان البشري=
في درب ماظنتي يعضيك=مكالمـة بـس كالمهـا
من شيخ عالم وبيَقديك=ويبان كامـل معالمهـا

اللي على الطيبة يمشي=يلقى بها الطيب عد ومد
طرفي مغطيه لك رمشي=إصحى علومك تزل الحد

كل ما عقدت الأمل فالجاي=القى الذي راح عنه اهون
ارجع بدوَر قديـم لقـاي=القى قريبه سنيـن اقفـن

عارف المطرفي=
مسكين يأمـن حـداه الؤقـت=وامساء مثل حالتي سقمان
صعبت ظروفه ولاله بخـت=وعند العرب ماقبله شاااان
بخيتان البشري=
أحدن بحظه حياتـه مقـت=ولله في ذا الخلايـق شـان
واحدن طريقي شراء له يخت=من بعد ماعاش في حرمـان

بخيتان البشري=
الثوب لو يلبس مقلـوب=باين للأعيان لا شافـوه
المشكلة من بوسط الثوب=صعبة للأعيان لا عرفوه
ماهر ابو خالد=
قارنت في نصكم ما ينوب=عن علت العين لو غطـوه
العطب يمشي مع المعطوب=وش يلحقك منه ما عـدوه
بخيتان البشري=
ياللي معي كمَـل المكتـوب=واجب له النصح لو قالـوه
معطوب والعطب له محجوب=ماهمنـي فيـه لـو كبـوه