قصيده من الاعماق

	المشاركة الأصلية كتبت بواسطة ابوخالد الفريدي

	الله مـــن قــلب به الهــم يزداد = وفي كل يوم يشيــــل هم زياده مشاكل تظهرلها جذور وابعـــاد = عن حملها يعـجز قـوي الاراده هم يغـــيب وهــم للقـــلب ورّاد = متقافيه لين اصبحت شبه عاده عالجتها في كل مقنع وطـــــّراد = واخذت من ماض الليالي شهاده واخذت من راي اهل العرف مافاد= وراي العوارف فيه لي استفاده فكرت بالدنيا وهـّزات الانكـــاد = ولقيت كل فيه هم ونـــكــــاده كم غربلت قبلي كريمين الاجـواد = وياما شكا منها عزيز السيـاده ومن ساد باد وكل تأثيرهابـــــاد = والحي يمشي في طريق الاباده وين الرجال اللي بنوا ساس الامجاد=وين الملوك الناعمين بســـعـاده وين السموّل ويـن شـدّاد بن عــاد = وين الرجال اهل الصلف والجلاده عالم فنت متعدده مالها اعــــداد = وهذا نظام المعتلـي فـي عبــاده اجداد لجداد فنت قبلها اجــــداد = والكل يفنى مــاتحقق مـــــراده ومن عاش في دنيا تنادي بعـواد = يموت ونفسه راغبه بالزيــــاده وكل حياته كلها هم واجهـــــاد = ويفنى قبل ماينتهي من جهــــاده كل يريد ويفعـل اللــه مـــاراد = القايد الاول حكيــــم القــــيـاده ياجامعين المال من كـل مــــدّاد = من مدخل غطى بيــاضه ســواده الممر كلّـه فيه الايام شـــــّراد = والمال كثره مــايغطي نكـــــاده والحر تكــفيه الغنيمه ليا صاد = والبوم ما حصل على الارض صاده ومن جاد ساد وصاحب الخير ينعاد=ومن ذاق طعم المـــــّر ماعادعاده الله يجود ومدة الله لمـن جــاد = يلقى بها المـحتاج حسـن الوفـــاده والاالبخيل يزيد مــاله ولازاد = وان مات يرمى مثل رمي الرمــاده والارض مليـانه نمايم وحسّـاد = والبعض فيهم مع حسدهـم قـــراده واهل الحسد واهل النميمه والاحقاد=حرب على أهل الطيب ما به هواده من صابته غيره مع الخبث ينـــقاد = وباالسّّر والخفيـه تعلـى جـــــواده والخبث يظهر له معينين واولاد = وجذور وخيوط وخفي عنــــــاده والشرله عدة مــكامـن وروّاد = ويمشي مع الجهّال واهـــل الـبلاده ولياتمكن جاله اولاد واحفــاد = ولابد من لـجــمه وشـــدّة قــــياده والزود لوانه من اطايب الزاد = ليا دخــل جــسم بـه الشـــّر زاده والخير له ناقل وللعلـم نشّــاد = والصبر لحظــات المكــاره عباده وابن البلد مايرتضي غيره بلاد = يصبر على حرّه ويرضى بـــراده وللشّر حصّـاد وللخير حصّاد = وكل يبي يجني حصيلة حصــــاده وان جاء نهار فيه عاصي وشدّاد=يضيع بالهيجا خطــات البيـــــاده والكذب ضعف وراعي الكذب ماساد= نقص على الراوي ونقص اسـناده حبل قصير ومن تزين به اعماد = يضيع في ليل طويل هـجـــــــاده ياهل العقول المجد ينسب للامجاد= وكم فارس طيب عثر به جــواده والجود ما يحسب بدلــه وبـرّاد = الجـود له مقياس والطيب عـــاده ولاللعزيز بديرة الــذل مقعــاد = والرجل يقضي حاجته من ازنـاده والخبث يبغى صدّ وبعادوخمـاد = قدام يســري ويتكــاثــرفســــاده عليان يشعر بالمغثّه من اقـــراد = والنّمل سرّا عنتره من بــــــلاده والنّامس اضعف جند قاتل وجلاّد = وليا ابتلى الانسان سبب هجـــاده ولاللمشاكل والمسرات ميعـــاد = ولايامن الاحـزان بيت السعـــاده هذه الـدنيا مســاداة وعنـــــاد = ونظامها للخلق حتى نفــــــــــاده وهذ ماعندي والمعاني لها ابعاد = والعذر عن قـول الخطــاوالاعـاده وصلوا على من قاد الامه للارشاد=اعداد ما خط القلم في مـــــــداده

الله الله


صح السانك يابو خالد

وعلا شانك


قصيدة جزله ذات مدلولات قيمه


لاعدمناك وبيض الله وجهك

يامحيط الشعر ونهره المتدفق


تحيتي وتقديري

صح السانك واعتلا شانك وبيض الله وجهك

ابو خالد الفريدي

صح السانك واعتلا شانك وبيض الله وجهك على هالنص الفاخر بالشعر

وفعلا قصيده من الاعماق وتصل للأعماق

تجلت فيها التجربه والخبره والحكمه ,,

رائع وراقي يابو خالد الفريدي

دمت بخير

صح الله لسانك
ولاهنت
وسلم فكرك وبنانك
دمت برعاية الله وحفظة

شكرا لكم ايه الاخوه على ردودكم التي اعتبرها كرم وتشريف لي

لاهنت وصح السانك

تقبل التقدير والاحترام

وفقك الله

	المشاركة الأصلية كتبت بواسطة ابوخالد الفريدي

	الله مـــن قــلب به الهــم يزداد = وفي كل يوم يشيــــل هم زياده مشاكل تظهرلها جذور وابعـــاد = عن حملها يعـجز قـوي الاراده هم يغـــيب وهــم للقـــلب ورّاد = متقافيه لين اصبحت شبه عاده عالجتها في كل مقنع وطـــــّراد = واخذت من ماض الليالي شهاده واخذت من راي اهل العرف مافاد= وراي العوارف فيه لي استفاده فكرت بالدنيا وهـّزات الانكـــاد = ولقيت كل فيه هم ونـــكــــاده كم غربلت قبلي كريمين الاجـواد = وياما شكا منها عزيز السيـاده ومن ساد باد وكل تأثيرهابـــــاد = والحي يمشي في طريق الاباده وين الرجال اللي بنوا ساس الامجاد=وين الملوك الناعمين بســـعـاده وين السموّل ويـن شـدّاد بن عــاد = وين الرجال اهل الصلف والجلاده عالم فنت متعدده مالها اعــــداد = وهذا نظام المعتلـي فـي عبــاده اجداد لجداد فنت قبلها اجــــداد = والكل يفنى مــاتحقق مـــــراده ومن عاش في دنيا تنادي بعـواد = يموت ونفسه راغبه بالزيــــاده وكل حياته كلها هم واجهـــــاد = ويفنى قبل ماينتهي من جهــــاده كل يريد ويفعـل اللــه مـــاراد = القايد الاول حكيــــم القــــيـاده ياجامعين المال من كـل مــــدّاد = من مدخل غطى بيــاضه ســواده الممر كلّـه فيه الايام شـــــّراد = والمال كثره مــايغطي نكـــــاده والحر تكــفيه الغنيمه ليا صاد = والبوم ما حصل على الارض صاده ومن جاد ساد وصاحب الخير ينعاد=ومن ذاق طعم المـــــّر ماعادعاده الله يجود ومدة الله لمـن جــاد = يلقى بها المـحتاج حسـن الوفـــاده والاالبخيل يزيد مــاله ولازاد = وان مات يرمى مثل رمي الرمــاده والارض مليـانه نمايم وحسّـاد = والبعض فيهم مع حسدهـم قـــراده واهل الحسد واهل النميمه والاحقاد=حرب على أهل الطيب ما به هواده من صابته غيره مع الخبث ينـــقاد = وباالسّّر والخفيـه تعلـى جـــــواده والخبث يظهر له معينين واولاد = وجذور وخيوط وخفي عنــــــاده والشرله عدة مــكامـن وروّاد = ويمشي مع الجهّال واهـــل الـبلاده ولياتمكن جاله اولاد واحفــاد = ولابد من لـجــمه وشـــدّة قــــياده والزود لوانه من اطايب الزاد = ليا دخــل جــسم بـه الشـــّر زاده والخير له ناقل وللعلـم نشّــاد = والصبر لحظــات المكــاره عباده وابن البلد مايرتضي غيره بلاد = يصبر على حرّه ويرضى بـــراده وللشّر حصّـاد وللخير حصّاد = وكل يبي يجني حصيلة حصــــاده وان جاء نهار فيه عاصي وشدّاد=يضيع بالهيجا خطــات البيـــــاده والكذب ضعف وراعي الكذب ماساد= نقص على الراوي ونقص اسـناده حبل قصير ومن تزين به اعماد = يضيع في ليل طويل هـجـــــــاده ياهل العقول المجد ينسب للامجاد= وكم فارس طيب عثر به جــواده والجود ما يحسب بدلــه وبـرّاد = الجـود له مقياس والطيب عـــاده ولاللعزيز بديرة الــذل مقعــاد = والرجل يقضي حاجته من ازنـاده والخبث يبغى صدّ وبعادوخمـاد = قدام يســري ويتكــاثــرفســــاده عليان يشعر بالمغثّه من اقـــراد = والنّمل سرّا عنتره من بــــــلاده والنّامس اضعف جند قاتل وجلاّد = وليا ابتلى الانسان سبب هجـــاده ولاللمشاكل والمسرات ميعـــاد = ولايامن الاحـزان بيت السعـــاده هذه الـدنيا مســاداة وعنـــــاد = ونظامها للخلق حتى نفــــــــــاده وهذ ماعندي والمعاني لها ابعاد = والعذر عن قـول الخطــاوالاعـاده وصلوا على من قاد الامه للارشاد=اعداد ما خط القلم في مـــــــداده

ابلغ من ماسأقول اقرؤ الشعر الحقيقي



لاعدمناك يابو خالد

كلامك هذا وسام يامحمد به افتخر ومنه استمد الشعور بالمحبه والرضا

الشاعر القدير
ابو خالد الفريدي
صح لسانك على القصيدة الجزلة والوافية
ودي وتقديري

	المشاركة الأصلية كتبت بواسطة باسم البشري

	الشاعر القدير ابو خالد الفريدي صح لسانك على القصيدة الجزلة والوافية ودي وتقديري

اشكرك على تفضلك بقراءة موضوعي هذا سلمت ودمت