حي الله الموالي

	المشاركة الأصلية كتبت بواسطة الحب الباقي

	صح لسانك مبدع بكل حالاتك تقديري

صح بدنك يالحب الباقي

حضورك مصدر اعتزاز دائما

لك تحيتي و تقديري

صح لسانك وبيض الله وجهك

ننتظر الشاعر الاخر

	المشاركة الأصلية كتبت بواسطة ابوفهد

	صح لسانك وبيض الله وجهك ننتظر الشاعر الاخر

حياك يبو فهد
صح بدنك
لا هنت على حضورك المشرف

صح لسانك يالصييفي وبيض الله وجهك

ابيات تستحق المجاراة لو ما الوقت متأخر

والشعار فيهم الخير والبركة

	المشاركة الأصلية كتبت بواسطة الصييفي

	يا مرحبا بك يالموالي، عداد ما تبرق مروايح= نبي نقوِّم كل نايم، يا مرحبا بك يالموالي بعض المطر لا جاك يالي، لا شك ما يملى الجوابيح= و بعضه يخلي السد عايم، بعض المطر لا جاك يالي

جعل البقا في راس غالي ، طربان غنا بالمصابيح = شبعان من نومه وقايم ، جعل البقا في راس غالي
والسيل من جالن لجالي، يضرب على الجالين ويميح =والجو تال الوقت غايم ، والسيل من جالن لجالي

	المشاركة الأصلية كتبت بواسطة ورقان

	صح لسانك يالصييفي وبيض الله وجهك ابيات تستحق المجاراة لو ما الوقت متأخر والشعار فيهم الخير والبركة

صح بدنك يا ورقان
ويشرفني اللعب معك من غير قصور بالباقين

	المشاركة الأصلية كتبت بواسطة ورقان

	جعل البقا في راس غالي ، طربان غنا بالمصابيح = شبعان من نومه وقايم ، جعل البقا في راس غالي والسيل من جالن لجالي، يضرب على الجالين ويميح =والجو تال الوقت غايم ، والسيل من جالن لجالي

استلم لا هنت:

إقلط على حمر الزوالي، ما بين نخلاتٍ مداويح= و ناسٍ تعز الضيف دايم، إقلط على حمر الزوالي
كيفٍ مقلّط بالدلالي، و يقفاه جزلات المفاطيح= عادات في ربعي قدايم، كيفٍ مقلّط بالدلالي

	المشاركة الأصلية كتبت بواسطة ورقان

	اخوي الصييفي صباح الخير استاذنك عندي مشيوير قبل الصلاة ونلتقي بالمساء ان شاء الله

خذ راحتك يالغالي
ترد بالسلامه

اخوي الصييفي صباح الخير

استاذنك عندي مشيوير قبل الصلاة ونلتقي بالمساء ان شاء الله

الشرف لي طال عمرك وعساك دايم

لعل بيتٍ له ضلالي ،يدوم يانسل الطحاطيح =دايم على عز او ولايم ، لعل بيتٍ له ضلالي
والفرق مابين الرجالي ، بعده مابين اكريم واشحيح =والناس تفرقهم عزايم، ذ الفرق مابين الرجالي

	المشاركة الأصلية كتبت بواسطة ورقان

	الشرف لي طال عمرك وعساك دايم لعل بيتٍ له ضلالي ،يدوم يانسل الطحاطيح =دايم على عز او ولايم ، لعل بيتٍ له ضلالي والفرق مابين الرجالي ، بعده مابين اكريم واشحيح =والناس تفرقهم عزايم، ذ الفرق مابين الرجالي

حياك يا ورقان
و المعذره على التأخير

:

عاشوا كريمين السبالي، من عرفهم يجني المرابيح= ما سَمع فيكم لوم لايم، أنتم كريمين السبالي
هذا الخبر باول و تالي، يا طويق لا ما حركك ريح= ان وصلت لنطل العمايم، هذا الخبر باول و تالي

وانته كما وبل الخيالي ، تفرح به اقلوب المجاريح = مابات من خاواك ضايم ،وانته كما وبل الخيالي
لو جالها بعض المجالي ، او جاء لبعض العلم تنقيح = حرن على المرقاب حايم ، لوجالها بعض المجالي