محاوره

الصييفي بارك الله فيك وجهك ابيض

مالك مع الارض جره يالكبير الامام = الظاهر انك مضلي في ضلاعينها
انا وكيل البنيه كان حظك تمام = واشوف الاجواد خاليت(ن) مواعينها

بارك الله فيك اخوي الصيفي وهاذا رفيع الله يعينا عليه وتخلينا الايام ونقابلك ا نت واياه في ملعبه علا الهواء مبا شره ------- واسمع يا رفيع
لي ثقل وانشاف وانته متقي في العسام---وانا احمد الله صلاة الله مصلينها
اما البنيه غصب جتنا بكل احتشام---- يوم الوكيل انفجع من طبعها وزينها
ابو مشاري

يانور محلاك يامحلاك تجلى الضلام = انته تصلي صلاة(ن) فايت(ن) حينها
ماعاد تنظر لكم يالينين العضام = وانته عضامك طريه جد يالينها

الظا هر انك بتجبرني لفرك الخشام ----- مدام نفسك مسلمها شيا طينها
البنت رضيت وخلصنا ونصبنا الخيام--- والشيخ ملك وجو عشره بزارينها
ا بو مشاري

خنصر يكفيك لا ياتيك كل البهام = وا بلشت الناس لاكثرت مساكينها
مدري جلبتم بلا والا كسبتم حرام = ساعه وساعه وذا دينك وذا دينها

اما افهم الدرس والا اعتذر في الخصام --- والا الجهل عادتن يا ناس يا شينها
رميت ذرعي ولانته ضد حا مي السهام --- يوم احتمت ما صمدت ورحت في حينها
ابو مشا ري

انته علامك تدور وضعت وسط الزحام = ياجاهل افهم من الايام وسنينها
ايداك ماتنقل الميسام ليتك تنام = وام الطواحين صرتم من طواحينها

صح لسانك يابو مشاري وصح لسانك يارفيع المقام محاوره جزله ومميزه من الطرفيين لاهنتم محاوره راقيه وشعراء متمكنيين سلمتم ودمتم امتعتونا

شكرا لك الاخ مضحي والدور جايك ان شاء الله واسمع يا رفيع الله يرفع قدرك

ابغاك تمشي معي لكن يبن الكرام -- ضيعت معني الوسيمه مع موازينها
قمت اتخبط علامك كن فيك الهيام -- ما همتك سالفه والناس محرينها
ابو مشا ري

صح بدنك اخي مضحي وشكرا على المتابعه

ماقلتلك ضيع المعنى ياراع الغرام= حتى الثمينه تبرى من دكاكينها
السالفه دام مافيها صلاه وصيام = ماتهمني لو تذكيك بسكاكينها