ديوان كسرات الشاعر ( وليف الشوق )

وليف الشوق=
سلام من عالي المرقاب = للي لهم عندنا شانـي
عطنا افاده عن الاسباب = ولا نبا نجيلكم عانـي
ماهرابوخالد=
ما تنقفل عندنا الابواب = ومثلك أعده من اخواني
العفو والحق والترحاب = شيدتها عنـد بيبانـي

وليف الشوق=
يابويزيد اسمع الشاكـي = اللـي تجـرع مـرارالآه
من شاف حاله غدى باكي = وده يلاقي عـلاج لـداه
قابل البشري=
مثل الزهر حرفكم زاكي = يابومنى طاب من مبداه
وحتى نحصل دوا واكي = لابد نعرف سبب شكواه
وليف الشوق=
مشكور يا الصاحب الواكي = من قلب يصرخ على ماجاه
مهمـا اسليـه واحاكـي = عيا معي يعتـدل مجـراه

اغلا اسم في حياتي مر = دايم على البال مانسـاه
والله مهماالسنين تمـر = فاالقلب يبقى معي ذكراه

ولـيــف الـشــوق =
كل يوم وانا على ذا لحال = عيا معي يهتـدي بالـي
احيان حالي فعال العـال = وحيان اشكي اسى حالي
بـحـرالـكــســره =
الوضع مهما عليكم طال = خل الصبر والامل عالي
لابـد ماتربـح الامـال = والبال بعد العنى سالـي
ولـيــف الـشــوق =
زادت عليه الهموم ثقال = وتقفلـت كـل امـالـي
واليوم حتى الصبرلي قال = زادت حمولك بالثقالـي
بـحـرالـكــســره =
لو كان همك حمول جبال = لحضه فرج تسعد البالي
الرب فيه الاجـر وتنـال = خل الرجا فيـه ياغالـي
وليف الشوق=
باب الرجاء عندنا مازال = ولافيه نحتاج لجدالـي
لاكن جتني كماالشـلال = والوضع في زود مازالي

سلام من عالي المرقاب = مخصوص ياصلك ياماهر
العذر يا جيد الاصحـاب = يا راعي الطيب ياطاهـر
بعد المحاول املنا خـاب = ولاعاد فيه الامل ظاهـر
حتى بعدعرفوالاسبـاب = اقول قولي ونـا قاهـر

كل مانصحناك تتركنـي = وتشوفني من الد اعـداك
واليوم لاعـاد تنشدنـي = فيماحصل من مآسي جاك

فاض الصبرونتظاري طال =عيا بنا الحـظ يسعفنـا
وليا بقينا على ذا الحـال = نطلب مـن الله يعوضنـا

اخبرك طيب الوفا نبعك = واليوم اشوف التغيرفيك
ونكان حولت عن طبعك = الله يخلف علينا فيـك

صدفه وجتنا بلا ميعـاد = تسوا لها فاالعمرنصـه
ياليتها دايما(ن) تنعـاد = وبشوفهم تسمح الفرصه

يامراعي الورد والتفاح = تشريه لوغالي القيمـه
تنعشك من عطرها لافاح = ميرالبلا ماهـي مقيمـه