ياللي ترش العطر مثل البنيات=ومضيقن ثوبك مثل ثوب ريمه

مـــــــــــــــــــــــع ألآســـــــف
دخلنا مجمع ومر شباب واحد لبس برمودة بيضاء [برمود هي بنطلون ماسك تحت الركبة 3سيم فقط ]وقميص او بصراحة
بلوزة بيضاء مطبوع عليها ورد زهر ومكتوب I love you ورسم قلب صغير احمر
بصراحة لو لقيتها شريتها
مرة بناتي والثاني مضيق ثوبه معرف كيف لبسة وجت على هذا المنظر هذه القصيدة

ياللي ترش العطر مثل البنيات=ومضيق/ن /ثوبك مثل ثوب ريمه
وإلى مشيت تهز الاكتاف هزات=كنك على المرقص تلاعب وسيمه
وقف دقيقه واسمع اجمل عبارات=ترا الرجوله فعل زايد حشيمه
ماهو بلبس الكاب فوق الكلتات=او قصةٍ تلعب بها ريح غيمه
جدك وابوك مسطرٍ لك بطولات= وانته تناسا فعلهم يا البهيمه
تلبس من الالوان مثل الوخيات=وردي وزهري لك مزاجٍ يريمه!؟
بالله وش خليت لهل العبايات= اخاف فستان الفرح لك تهيمه؟
تصدق اني ماحسب لك حسابات=اقدر اناظر لك بعينٍ سليمه
ماخاف منك ولاعتبر لك مقامات=اقول سامط والمهابه عديمه
اللي أحترمهم صدق اهل المروات= اللي لهم هيبه وعز/ن/ و قيمه
لهم سلامٍ عد مارش زخات= ذاك المطر في وسم وامطار ديمه
اللي بمجلسهم من الهيل نفحات=عطر النشما عاليين الشكيمه
وخص منهم عالي الذكر بالذات= اللي غطا ستر ويصون الحريمه

ههههههههه والله صادقة يالكحيلة ,,, كثر تقليد الشباب للغرب وأكتسبوا الكثير من التقليعات ومثلهم مثل كدش وماسموه وهو يمشي مايندرى وجهه من قفاه ( يادافع البلا ) وفي العطل الصيفية تضك صالات المطارات الدولية
بالكثير من الشباب وخذ تقليعات ولوكات وستايل وماأدري ايش (( الله يهدي شباب المسلمين ويرد ضالهم ))

على القصيدة مليون صح لسانك والله يعافيك ..

دمتي مبدعة..

	المشاركة الأصلية كتبت بواسطة متعب العمري

	ههههههههه والله صادقة يالكحيلة ,,, كثر تقليد الشباب للغرب وأكتسبوا الكثير من التقليعات ومثلهم مثل كدش وماسموه وهو يمشي مايندرى وجهه من قفاه ( يادافع البلا ) وفي العطل الصيفية تضك صالات المطارات الدولية بالكثير من الشباب وخذ تقليعات ولوكات وستايل وماأدري ايش (( الله يهدي شباب المسلمين ويرد ضالهم )) على القصيدة مليون صح لسانك والله يعافيك .. دمتي مبدعة..

بالضببببببببببط مثل ماقال اخوي متعب



وازيد لقيت هالبيت يالكحيله :

جـدك وابـوك مسـطـرٍ لــك بـطـولات
وانـتـه تنـاسـا فعلـهـم يـــا البهـيـمـه


هذا البيت يضع اكثر من علامة استفهام

ولااعتقد ان اللي شفتي الا طرش بحر لان ابناء من ذكرتي في البيت لايمكن ان يفعلوا مثل ذلك فمهما انحرفوا تردعهم شيمهم وارثهم ؟؟!!

لو حذفتي هالبيت كان ياسلام




لاهنتي يالكحيله

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لساااانك يالكحيله
على القصيد الجزله الرائعه
والتي تحدثتي بها عن عينه وهم ضعاف العقول
وعديمي الرجوله ويستحقون اكثر من مما قلتي
صح لساااانك

والله لايكثرهم في مجتمعنا

.
/
تصدق اني ماحسب لك حسابات
............................اقدر اناظر لـك بعيـنٍ سليمـه..!
.
:
تفكير تلك الشريحه عقيم..
صح الرب نبضك..جميله يالكحيله..
اعجبتني صفعتك وتوبيخك..
لك الود يانقيه

[TABLE1="width:95%;background-color:black;"]

سلمتي


وياليت يالكحيله


تسمعينا شيء عن البنات اللي يعكسون نفس الصوره


لاني عادتي ما اناظر ولا اهتم لاني لو ناظرت راح افتري فالقصيد فيهم


ولكن كفو يابنت الرجال وسلمتي ودمتي


العقيد

انا اعارض محمد عبدالله بالبيت اللي يتمنى من الكحيله بحذفه ..

بالعكس انا مع الشاعره والوصف اللي شافته الكحيله كثير من اعيال البدو سابحين فيه وليس حكر على طرش البحر ..

تحياتي ..

صح السانك مليوووون وبيض الله وجهك على هذا الابداع الاروع من رائع