ديوان الشاعر//دليم مرزوق الشدادي

السلام عليكم ورحمة الله وبركاته
اليكم هذه المشاركه اللتي ارجو ان تحوز عاى رضاء الجميع

من الضيقه نسيت اشهر بوجه الضيقه البارود=وخلي ساعةِ مافرحتني مابها ضيقه
على شان العباد اللي مرضها بالقلوب يزود=تعشاها الهموم وكل حلقِ يشرق بريقه
واليا شرقت وضاقت من زعلها كن كسبي ذود=لو اني في نهارِ شطته تهلك مخاليقه
ليالٍ ماتفرح مبغضي عندي فرح وسهود=ولاضحكة وجيهن ضحكها بالوجه ماطيقه
عبادٍ في حوال عباد مشغوله بليا فود=على غرة بعضها تنحر المرقاب وتويقه
تكيل ذنوبها بشدوقها وتزودها منقود=نست مدري تناست جعلها بالفين توهيقه
هذولا اللي حدوني لين راس العود حك العود=وتنصيت القصيدمن الزعل والساعه الضيقه
سريت انشد و انشّد عن غياب الحاظر الموجود=وذكرلي بالشمال العام يتلنه مسابيقه
لو اني مافقدته كان ما قلدت بابن سعود=والا اغبط الذي صر الذهب داخل صناديقه
خساره لونسيته كل ماهبت شمال النود=ذكرته لو شوفه مثل حلمٍ صعب تحقيقه
ولاكن مالنا غير الرضاء في قسمة المعبود=نسير مانخيرفي رجاء عفوه وتوفيقه
بغيت اهرب من الواقع واقول البيض مثل السود=واجامل من ضحكلي والحق الضحكات تصفيقه
وذكرت ان المجال للمجال نقص ماهو زود=ومدامنه يعود نقص ليش اسلك طواريقه
وراء ماحاربه واشهر بوجه الضيقه البارود=وخلي ساعةٍ مافرحتني مابها ضيقه