ديوان الشاعر(بخيتان البشري)

فاقدة غالي =
سابر بحور الهوى غواص = القلب يا حسرتي روح
علمته الحب والاخـــــلاص = واليوم لفراقهـــم لوح
بخيتان البشري =
كثير بحر الهوى به غاص = ولقلوبهم للأسف طوّح
ولاحدن لقي فالهوى مخلاص=ياكم لسدودهم بوّح
فاقدة غالي =
الحب يلعب ببنت الهاص = الشوق في قلبها سوح
بتصير عبره مع القـــــصاص = يزهى بها الـــلحن لادوح
بخيتان البشري=
لابد تلعب معه بأخلاص =الشوق حراق لا فوّح
إخلاص مافيه حكم قصاص =يخضع به الطرف لا شوّح
فاقدة غالي=
الطيـــــــــــر ما يتعب القناص = يرده ويحـــــــوفه لا ضوح
والشوق كله بوضعه الخـــــاص = القلب ما يعو فه لو نوح
بخيتان البشري=
ياكم عوّد من المقناص =وياكم منه الظبا دوّح
الشوق في داخل الأقفاص =محكوم بالسجن يامشوّح
فاقدة غالي=
اللي رمانا بدون ارصاص = وجروحه بالقلب تتقوح
لو يجلب الهـم والانغاص = اشواقـــــه بالدم تتموح
بخيتان البشري=
الحظ لقّبل عليّه حاص = سنين للهم متلوح
والظاهر إنك بنفس الباص = والحظ سواق متسوّح