من يهاب الدرب يصبح له ذليل ..!!!

خاطرة على حافة الشعر نشرت لي بمجلة اليمامه قرابة عام 1416هـ

للعيون السود والرمش الضليـل= مذبحٍ والقلب عـوّ د مـا كـره
صوبه حراً على الهـده غليـل = والهبوب بليـل همـه ساكـره
والدريك بحال وعيونـه تخيـل = للحياض اللي وردهـا شاكـره
يادخيل الله مـن هـاك الدخيل= رمح عينه من بحـوراً هاكـره
والهواء مسباح صوفي والدليـل= ضيعه مـن لا نشدتـه فاكـره
ومن يهاب الدرب يصبح له ذليل = لين يوم الأ مس يصبح باكـره
وان نزع طير الهدد يبغى المشيل =خابـرا خبـره وفنـه حاكـره
هو يشيل الحمـل والا مايشيـل = الخفـوق اللـي زمانـه ناكـره
وان نسى عذب اللما عنا يسيل!! = والله انـي ذاكـره ثـم ذاكـره
مايغيـر ماقفـي قـولاً وقيـل = الغلاء الأول وعنـدى ماكـره

...


وهذه تحيتي
مع اسمى ايات الشكر فائق التقدير رعاكم الله

...
..
..
..
..