عسى الولي دايم على الخير يقداك

أرسل لي أحد الاصحاب ثلاث أبيات قد تكون من منقولة بعد مروره ببعض الظروف ولقد تفاعلنا و تجاوبنا مع رسالتة وجارينا الابيات التى أرسلها لنا أرجو أن تنال الاستحسان والقبول وتحية عطره للجميع.....

سلام يا كاسب غلا كل مغليك=يامالك زمام المراجل بيمناك
الطيب ساسك والعرب عزها فيك=لا ضاعت علوم الرجاجيل تنصاك
ربعك تفاخر بك وتفخر بطاريك=لاهان ذاك اللى على الطيب رباك

ردي ومجاراتي للأبيات السابقه

يامرحبا يا اللي لفتني معانيك=يا طيب المبدأ على الطيب مبداك
سبحان من هو بالمعزه معليك=يا طيب المجنا على الطيب مجناك
أحذر رعاك الله صحبة صعاليك=إن كان ذا الوجهين والا من أعداك
أحذر صحيب ابليس بالهرج يغويك=يدور الفرصه لذولا وذولاك
لا صار له حاجة حولك حواليك=أصدق صديقن مخلصن ماتعداك
وإليا بدالك حاجتن ماشقا فيك=بأصعب ظروفن لك روح وخلاك
لاضاقت الحيلات وزاد الشرابيك=عليك باللي يحتميلك ويفداك
حنا سلاحن لا حملته على يديك=ذخر الزمان اللي عن الغير أغناك
إليا طرالك حاجتن دوم نفديك= لأجلك مشينا من على درب الاشواك
يا صاحبي أجمل تحيات نهديك=عسى الولي دايم على الخير يقداك
لك الغلا مافيه ضنن وتشكيك=لولاك مايكتب من الشعر لولاك

شاعرنا القدير نادر النادر

قصيدة جزلة من راس جزل

صح لسانك وبيض الله وجهك

أخوي الغالي/ بخيتان البشري
صح بدنك يا ابو محمد
والجزالة تكمن بمرورك المميز وكريم اخلاقك
مقدر وشاكر مرورك النبيل وسمو خلقك الرفيع

الاخ والشاعر نادر النادر
صح السانك على الجزاله والنصيحه
تحيااااتي لك وتقديري

صح الله لسانك
ولاهنت
وسلم فكرك وبنانك
دمت برعاية الله وحفظة

مهجرس الحرف و فهد ابن غانم

صحت ابدانكم
ولكم مني وافر الشكر وقدير الاحترام
على المرور الرائع المميزونبيل المشاعر وحسن التواصل
دمتم بخير

صح لسانك على هالقصيده الجزله ولاهي غريبه على شاعر بحجمك

بانتظار جديدك الممتع

تحيتي

نداء الغيداني

صح بدنك ولاعليك زود ونفخر بمرورك وإشادتك
وبيض الله وجهك على مرورك الرائع المميز ومشاعرك النبيلة الراقية
دمت بحفظ من العلي القدير

صح السانك على القصده الجزلة

كلها ابيت حكم وعلوم غانمه

ونصح على الفعل الطيب.

عبد العزيز القصيري
صح بدنك
والجزالة فى مرورك وكريم شعورك
كل الشكر والتقدير لمرورك المميز ورقي تواصلك ورفيع خلقك
دمت بحفظ الله