شكـيـتـن ارجـــال الـفـلاحـي !!

	المشاركة الأصلية كتبت بواسطة منيره الحربي

	سمعة شيله لنساء في ال يوتيوب واعتقد ان الرجال مغضبينهن وعنوان الشيله جعل الرياجيل للماحي وتعاطفت معهن في هذه القصيده ومع ضيقة الصدر التي مررت فيها الاسبوع الفايت جت هذه الابيات غنّيت يوم الصدر فاحي = جزلن من ابداع حربيه ردي على غيدن ملاحي = خوذنّه من السنافيه ياللي شكن زود الاجراحي = ماهو طرب مير مرثيه شكيتن ارجال الفلاحي = من ظلمهمم والانانيه والحق مايزعل الصاحي = كم مهرتن حالها سيّه من عقب ماتزها الوشاحي = جاها من الغبن ماريه والسبه الزوج لاصاحي = قاسي ولافيه حنيه والزوج ماينشد ان راحي = لو عدْ صحايبه ميه مايبي اعيال ومراحي = ولايبي عده مسوليه يامفرج الهم لنزاحي = ياعالمن تعلم النيه تدلنا درب الاصلاحي = وتهديهم وتبعد السيه

السلام عليكم ورحمة الله وبركاته
اليكم هذه المعارضه على قصيدة الشاعره منيره الحربي
واللتي بعنوان جعل الرياجيل للماحي عسى ان تحوز على رضاكم وتنال اعجابكم

يالاح يملاح يالاحي= على اللحون الهجينيه
سلط على الورق لاناحي= يشعف قلوب الهواويه
مابين مسرا ومسراحي= غنت مع الورق قمريه
من غيض ماهو من افراحي=اشدلك واقطعي ليه
وقصيد وهموم ونياحي= وتبادل اشعور واحميه
وهالحين بعد الغضب راحي= وش موقفك يالرجيليه
لو قلت يامنيره ارتاحي=لاتسابقين العمانيه
الدين يابنت الانصاحي=ماهو تعاون عاى السيه
واللي على خف وجناحي=ياكثرهن بالسعوديه
عنوان مايقبله صاحي= ولاتقبله كل نشميه
وحنا مسلمين وصحاحي= لوصار من بينا عيه
مادينا دين قرداحي= اللي لكن فيه حريه
كلٍ به يحوش ويتاحي= مسموح لوماله ارعيه
هاذا وكان الحطب طاحي=يابنت من ينطح الهيه
حنا لكن ستر وسناحي=مبطي وهالحين وشويه
وذخيرةٍ مالها اسلاحي=تبور لوكلها حيه